3,095 total views
Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS THE CHURCH?
Kapanalig, ang simbahan ay hindi tumitigil., kumilos ito “behind the scene”., gumagawa ito ng kabutihan nang walang tinatawag na “photo ops”. Ang paggawa ng mabuti sa kanyang kawan ay normal na gawain ng simbahan., ng mga taong bumubuo dito. Sa kasalukuyang normal na lipunan., ang tahimik ay hindi napapansin., ang mga maiingay., pekeng ngiti., pakitang-tao na tulong., ang mga nagkukunyaring mabuti, mga astang santo… sila ang pinapalakpakan., sila ang ini-idolo.
Kapanalig, ang mga nagtatanong kung nasaan ang Simbahan? Sila ang mga taong naghahanap ng moral na pamumuno., katotohanan., katarungan.,malasakit at pananagutan. Sila ang nawawalan na ng pag-asa sa maraming suliranin na kinakaharap ng lipunan.
24-7 hindi tumitigil ang simbahang katolika sa Pilipinas sa pagpapahayag ng mga moral na paninindigan sa pampublikong buhay., paglilingkod sa mahihirap, pagtatanggol sa karapatang pantao, paghubog sa konsensya ng mamamayan, pangangalaga sa mga mahihina, at pagsusulong ng kapayapaan.,katarungan, pananagutan.
Ang Simbahan ay hindi lamang isang institusyong naglalabas ng mga pahayag, kundi ang Katawan ni Kristo na naroroon saanman. Ipinagtatanggol ang katotohanan, isinusulong ang katarungan, inaalalayan ang mga nangangailangan, at muling binubuhay ang pag-asa ng tao.
Kapanalig, ang simbahan ay hindi naman perpekto, marami itong kakulangan.
Sa ika-132 plenary assembly ng Catholic Bishops of the Philippines., inilatag sa kapulungan ang hamon sa mga obispo “Are our pastoral statements reaching only our own “church choir”?
Upang matugunan ang tanong na NASAAN ANG SIMBAHAN., pinaalalahanan ang mga obispo sa kahalagahan na ang kanilang pastoral statements ay hindi lamang tugon sa mga nagaganap na usaping pampulitika.,kundi tumutugon sa maraming “dimension” ng buhay ng mga Pilipino.
Umaasa ang kasalukuyang pangulo ng CBCP ang kapulungan ay makilala hindi lamang bilang isang “opinion-maker”,marapat itong maging isang “genuine moral influence” through faithful witness to the Gospel and Catholic social teaching.
Kapanalig, misyon ng mga lider ng simbahang katolika sa Pilipinas na hubugin ang konsensiya ng mamamayang Pilipino na nakabatay sa katotohanan, katarungan, pagkakaisa, kabutihang panglahat at responsableng pakikiisa sa pagtataguyod ng kabutihang panlipunan.
Kapanalig, ang simbahang katolika ay tunay., at totoong “church of the poor”.
Sumainyo ang Katotohanan.
