443 total views
Nanawagan ng partnership o pakikipagtulungan sa Simbahan ang pamahalaan upang maisaayos at mapaunlad ang buhay ng bawat Filipino.
Aminado si Department of Foreign Affairs Secretary Perfecto Yasay na sa kabila ng “separation of Church and State” ay hindi maaring alisin ang mabuti at mahalagang papel na ginagampanan ng Simbahan upang mapagkaisa ang sambayanang Pilipino.
Gayunman, umaapela ang Kalihim sa Simbahan na iwasan ang hayagang pagsasapubliko ng mga pamumuna nito sa pamahalaan sapagkat magkaiba ang saklaw ng dalawang institusyon sa lipunan.
“They should not publicly declare their moral views as against the political thrust of the government because the political thrust of the government is separate and distinct from the affairs of the church. We have what is known as the Separation Of Church And State, so it is in this respect that I’m calling for a partnership between government, our leaders and the church to make sure that our efforts are moving forward in terms of making our people act as one, act proudly as a nation, act proudly under one flag for the purpose of achieving our objectives for the advancement of everyone…”pahayag ni Yasay sa panayam sa Radio Veritas.
Giit pa ng Kalihim, mahalaga ang ginagampanang papel ng Simbahan upang positibong maimpluwensyahan ang mga lider ng pamahalaan na gawin ang naaangkop at nararapat para sa bayan lalo na’t malaking bilang ng mga Filipino ay mga Katoliko’t Kristyano na nangunguna sa Gitnang Silangang Asya.
“Palagay ko naman siguro, the church can play a very positive influence on our President and our leaders in government to make sure na we all act as one people for the good of our people because that is precisely yung tinatawag nating our nation as the only Christian nation here in Asia…”pahayag ni Yasay.
Una ng inihayag ng Kanyang Kabanalan Francisco na ang bawat Kristyano ay kinakailangang makisangkot sa mga usaping panlipunan maging pampulitika dahil sa malaking epekto nito sa lipunan at sa kabuuang kinabukasan ng buong bayan.
Sa tala ng Vatican umaabot na sa 1.2 bilyon ang bilang ng mga Katoliko sa buong mundo, kung saan 40 porsyento nito ang nasa Latin America habang batay naman sa tala ng National Statistics Office noong 2010, mayroong higit sa 74 na milyon ang mga Katoliko sa bansa na katumbas ng 80.6 na porsiyento sa kabuuang populasyon ng Pilipinas.
