407 total views
Hindi naaangkop ang paggamit ng salitang “war” sa mas pinaigting na kampanya ng pamahalaan laban sa ilegal na droga.
Naniniwala si Diocese of Sorsogon Bishop Arturo Bastes, chairman, CBCP Episcopal Commission on Mission na dahil sa salitang ito ay nagkakaroon ng perspektibo ang mga mamamayan lalo ang mga pulis na pumatay ng mga sangkot sa kalakalan ng ipinagbabawal na gamot.
Iginiit ng Obispo na hindi katanggap-tanggap lalo na sa isang Katolikong bansa ang paggamit sa naturang salita ay nagsusulong ng karahasan sa halip na gamitin ang rehabilitasyon at pagtulong sa pagbabagong buhay ng mga biktima ng ipinagbabawal na gamot.
“Well I do not like that so called ‘war’ when it does is killing. Instead of killing them, he (Pres. Duterte) has all the power to rehabilitate them like that, but not simply because really because of his word people are encourage, policemen are encourage to prosecute people, i do not like that war because that is not the solution but war should not be in a Christian nation…” pahayag ni Bishop Bastes sa Radio Veritas.
Batay sa pinakahuling tala ng Philippine National Police, mula unang araw ng Hulyo hanggang ika-12 ng Oktubre ay tinatayang aabot na sa 740-libo ang bilang ng mga sumukong drug pushers at users sa mga otoridad habang tinatayang aabot na sa 28-libong indibidwal ang mga naaresto mula sa higit 29-na-libong operasyon na isinagawa ng mga pulis sa buong bansa.
Umaabot na sa 1,566 ang mga namatay mula sa operasyon na isinagawa ng mga pulis sa buong bansa.
Kaugnay naman nito, nagsasagawa na ng dry-run ang Department of Health sa kauna-unahang Mega Drug Treatment and Rehab Facility na may lawak na 10-ektarya na nasa sa loob ng 7th Infantry Division ng Philippine Army sa Fort Magsaysay sa Nueva Ecija na kayang mag-accommodate ng 10-libong pasyente.
Kahapon, pinangunahan ni Manila Archbishop Luis Antonio Cardinal Tagle ang paglulunsad ng drug rehabilitation program ng Simbahan na tinatawag na “ Sanlakbay para sa Pagbabagong Buhay” sa Manila Cathedral.
Sinabi ni Cardinal Tagle na ang programa ay tugon ng Simbahan sa kampanya ng Duterte administration laban sa illegal na droga at pagdeklara ni Pope Francis sa 2016 bilang Year of Mercy”.
