1,530 total views
Pinag-iingat ng Military Ordinariate of the Philippines ang mananampalataya sa pekeng pari na nagpakilalang si Fr. Aries Aguilar.
Sa pamamagitan ng isang opisyal na babala, nilinaw ni Rev. Fr. Harley Flores, acting Chancellor ng M-O-P na walang kaugnayan at hindi kasapi ng Military Ordinariate ang nasabing indibidwal.
Hinimok ni Fr. Flores ang mamamayan na maging mapagbantay laban sa mga nagpapanggap na lingkod ng Simbahan at ginagamit ang pangalan ng mga diyosesis upang makapanglinlang ng kapwa.
Ipinaalala ni Fr. Flores na sakaling makatanggap ng kaduda-dudang solicitation letter lalo na online transaction ay agad makipag-ugnayan sa tanggapan ng mga parokya o ng diyosesis upang matiyak na lehitimo ang natanggap na sulat para sa donasyon.’
“This is to inform you that a certain “FR. ARIES AGUILAR” is not an ordained priest of the Military Ordinariate of the Philippines and he has never been connected with us ever since. Any claims and/or transactions he enters into using our name is therefore fraudulent and anomalous. Please notify this Office for further assistance and for any legal actions to be undertaken if necessary.” babala ni Fr. Flores.
Patuloy namang pinapaalalahanan ng Simbahang Katolika ang mananampalataya na mag-ingat sa mga mapagsamantalang indibidwal o grupo na ginagamit ang pangalan ng Simbahan, mga diyosesis, kongregasyon, cardinal, obispo, pari, madre at iba pang lingkod ng Simbahan upang makapanglinlang at makapangalap ng pinansyal na donasyon.
