12,912 total reads
Umaasa si Cagayan De Oro Archbishop Antonio Ledesma, SJ, Chairman ng CBCP Episcopal Commission on Mutual Relations na maisasama sa darating na State of the Nation Address o SONA ni Pangulong Rodrigo Duterte ang pag-usad ng usapang kapayapaan lalo na sa bahagi ng Mindanao.
Ayon sa Arsobispo, mahalagang bahagi ng Bangsamoro Basic Law o BBL ang peace process sa Mindanao at ang pagpapatuloy ng peace talks sa pagitan ng pamahalaan at ng National Democratic Front of the Philippines upang matamasa ang matagal nang inaasam na kapayapaan ng mga komunidad sa rehiyon.
“We are hoping na yung SONA niya will also bring about development sa peace process especially with regard to the Bangsamoro Basic Law and the peace process in Mindanao, and also the companion peace process in the resumption of peace talks in the National Democratic Front of the Philippines. Sa akin I think this is the most important aspiration of the Filipino people, to have peace in our local communities.” pahayag ng Arsobispo sa Radyo Veritas.
Umaasa din ang Arsobispo na maisasama sa BBL ang pangangalaga sa mga lumad at mga katutubo ng Mindanao at iba pang grupo na hindi bahagi ng muslim community dahil ang mga ito ay bahagi din ng Autonomous Region in Muslim Mindanao.
“Dapat kailangan na we also have to protect and promote the rights of the indigenous people and also other groups that are not part of their muslim community, because we also want a period of solidarity with everyone even in the autonomous region.” Dagdag pa ni Abp. Ledesma.
Dahil dito, hinihimok ng Arsobispo ang mamamayan na manatiling kalmado at pairalin ang respeto sa kapwa at sa karapatan ng bawat tao sa kabila ng ating mga pagkakaiba.
Kasabay nito, pinayuhan ni Archbishop Ledesma ang ang mamamayan sa gitna ng karahasang lumalaganap sa lipunan upang mapanagot ang mga may sala at mabigyang katarungan ang mga pamilya ng naging biktima.
Sa kasalukuyan, pinatuloy na inaayos ng Bicameral Conference Committee ang magkakaibang probisyon ng Senado at Mababang Kapulungan ng Kongreso upang ganap na maratipikahan ang landmark legislature sa pagbubukas ng 2rd regular session ng Kongreso sa ika-23 ng Hulyo, 2018.
Naninindigan sina Senate Majority Leader Juan Miguel Zubiri at House Majority Leader Rodolfo Farinas na ang isasabatas na BBL ay hindi lalabag sa panuntunan ng 1987 constitution.
