293,244 total reads
Kapanalig, nakakahinga ka pa napakabigat na pasanin?
Ipinagmamalaki ng pamahalaan na bumagal ang inflation sa bansa na naitala sa 6.4-percent noong nakaraang buwan ng Hunyo 2026. Ang hindi nararanasan., nararamdaman ng pamahalaan ng mga opisyal ng gobyerno na pigang-piga na ang mga Pilipino sa patuloy na pagtaas sa presyo ng mga pangunahing produkto. Ang kalbaryo ng mga Pilipino ay dinagdagan pa ng hindi permanenting trabaho at kita, lalo pang pinalala ng hindi mapigilang pagtaas sa halaga ng mga produktong petrolyo.
Sa kasalukuyan, napaka-bigat na pasanin., napakabigat sa bulsa ang mataas na presyo ng bigas kada kilo., mataas na halaga ng LPG at napakalaking bayarin sa kuryente.
Noong 2025, ang presyo ng regular na milled rice ay 42-pesos kada kilo., ngayong 2026, pumalo na ito sa 50-pesos o higit bawat kilo. Ang galunggong, mula sa halagang 212-pesos kada kilo., naging 312-pesos na kada kilo. Sa gulay, halos 20 hanggang 30-pesos ang itinaas ng halaga. Ang 11-kilogram na LPG na dating 830-pesos, nagkakahalaga na ng 1,100 hanggang 1,600-pesos. Ang singil sa kuryente na 12.16-pesos kada kilowatt-hour ay naging 14.48-pesos na kada-kilowatt-hour, hindi pa kabilang dito ang other charges o maraming charges na ipinapataw ng MERALCO sa mga consumer.
Ang sahod ng mga Pilipino, hindi sapat sa mataas na presyo ng mga bilihin at serbisyo.
Tinataya ng Philippine Institute of Development Studies (PIDS) na tataas sa 14.4-percent ang poverty rate sa Pilipinas ngayong 2026. Ibig sabihin, 1.3-milyong Pilipino ang madadagdag sa 1.8-milyong Pilipino na hindi nakakaahon sa kahirapan.
Ang nakakadismaya, hindi pinapansin ng pamahalaan ang katotohanan, hindi natitinag ang mga opisyal ng gobyerno sa nakabalandrang datos ng kahirapan sa bansa.
Mas ikinatuwa pa ng administrasyong Marcos ang deklarasyon ng World Bank na ang Pilipinas ay isa nang upper-middle income country matapos ang apat na dekada ng pagiging lower-income economy.
Sino ba naman ang hindi matutuwa, lumagpas ang Pilipinas WB income threshold kung ang Gross National Income ay umabot ng 4,850-dolyar, mataas sa 4,636 na cutoff ng WB para sa upper-middle income economy.
Kapanalig, bakit hindi natin nararamdaman ang pagganda ng buhay ng mga Pilipino? Ang ipinagmamalaking paglago ng ekonommiya?
Kapanalig, ang sabi ng NEDA…ang pag-unlad ay hindi nasusukat sa average na income lamang, nasusukat daw ito kung ang paglago ay lumilikha ng trabaho, tumaas ang productivity, lumawak ang oportunidad, nabawasan ang kahirapan, at gumanda ang buhay ng maraming Pilipino.
Kung umunlad, nasaan ang datos?
Kapanalig, sinasabi sa encyclical na Populorum Progressio ni Pope Paul VI., “The whole person and every person. Before we can ever hope to detect social progress on a national or even global level, development must first engage each person in the work of self-fulfillment.”
Sumainyo ang Katotohanan.
