Facebook-f Twitter Instagram Youtube

Be the best of yourself and be a blessing to all.

Picture of Norman Dequia

Norman Dequia

SHARE THE TRUTH

Send your Love Offering

SAVINGS ACCOUNT NAME

DZRV Radio Veritas Foundation, Inc.

  1. Metrobank Savings Account No.: 076-3-076270210
  2. Banco De Oro Savings Account No.: 001-630011876
  3. BPI Savings Account No.: 0213-3251-91
  4. PNB – Savings account No.: 105-910-013-091

 17,012 total views

Ito ang paalala ni Antipolo Bishop Ruperto Santos sa mga mag-aaral ng Our Lady of Peace School sa ginanap na Holy Spirit Mass hudyat ng pagbubukas sa academic year 2024 – 2025.

Ayon sa Obispo, dapat isa-isip ng mga estudyante na magbigay karangalan sa pamilya, sa sarili, sa kapwa at maging sa institusyon.

“My dearest students, as we begin our school year 2024-2025, let us bring honors to our parents, make our teachers happy and we will be hardworking and helpful to our classmates,” bahagi ng mensahe ni Bishop Santos.

Pinaalalahanan ni Bishop Santos na kasalukuyang School Director ng institusyon, na maging masigasig sa kanilang pag-aaral bilang pagpapahalaga sa pagsusumikap ng mga magulang at ng mga guro upang mahubog ang kanilang pagkatao at karunungan.

“There are no excuses not to go to school, not to study. It is because your parents are doing everything to send you to school, working so hard to sustain your studies. It is their achievement to see you at the stage receiving your diplomas…Your teachers, like you, are also studying, doing research and preparing their lesson-plans so that they can impart necessary knowledge as to inform and transform you to be better persons,” ani ng obispo.

Iginiit ng opisyal na dapat igalang ng mga estudyante ang mga magulang at mga guro sa pamamagitan ng pag-aaral ng mabuti, aktibong makibahagi sa mga gawain ng silid-aralan kabilang na ang mga takdang aralin na ibinibigay para mas mahubog ang kasanayan ng bawat bata.

Hinimok ni Bishop Santos ang mga kabataan na isabuhay ang pakikipagkapwa sa mga mag-aaral, guro at iba pang nakakasalamuha sa araw-araw.

“Inside the classrooms there will be common projects which will demand collaborative efforts. So, commit always yourselves and cooperate. Be always helpful. And avoid words and actions will offend someone. So, call them by their names. Don’t bully. Don’t brag around,” dagdag ni Bishop Santos.

Ginanap ang Holy Spirit Mass sa International Shrine of Our Lady of Peace and Good Voyage o Antipolo Cathedral nitong August 7, 2024 kung saan katuwang ng obispo si OLPS Chaplain Fr. Keith Buenaventura.

Dumalo rin sa pagtitipon ang mga kawani ng institusyon sa pangunguna ni OLPS School Head and Principal Sr. Anabel de la Cruz, SPC at komunidad ng OLPS na may humigit kumulang sa 2, 800 estudyante.

Tutulan ang mining exploration sa Giporlos at Balangiga, panawagan ng Diocese of Borongan sa lokal na pamahalaan

Michael Añonuevo Friday, July 24, 2026 10:47 am

 2,157 total views

Nanawagan ang Diocese of Borongan sa mga lokal na pamahalaan ng Giporlos at Balangiga sa Eastern Samar na magpasa ng mga resolusyong tumututol sa mga aktibidad ng pagmimina kasunod ng pag-apruba ng Mines and Geosciences Bureau (MGB) sa isang exploration permit sa dalawang bayan.

Sa pastoral position statement ng Borongan Diocesan Commission on Social Action–Justice and Peace (DCSA-JP), na inendorso ng Samar Island Partnership for Peace and Development (SIPPAD), sinabi ng diyosesis na bagama’t para lamang sa mineral exploration ang ipinagkaloob na permit na sumasaklaw sa humigit-kumulang 902.99 ektarya sa Giporlos at Balangiga, maaari itong maging unang hakbang tungo sa aktuwal na pagmimina.

“While the permit authorizes mineral exploration—not commercial mining—it marks the beginning of a process that may lead to mineral extraction. This makes it both timely and necessary for our communities and local government units to discern and express their position,” ayon sa Borongan DSCA-JP.

Binigyang-diin ng diyosesis na ang pangangalaga sa kalikasan ay isang moral na pananagutan at hindi dapat maisantabi ang kapakanan ng tao at ng mga susunod na henerasyon kapalit ng mga pangakong pang-ekonomiya.

Ayon pa sa pahayag, paulit-ulit nang napatunayan sa Samar ang mga panganib na kaakibat ng pagmimina batay sa karanasan ng mga pamayanan sa Bagacay, Homonhon Island, Manicani Island, at iba pang lugar na naapektuhan ng pagmimina at mineral exploration.

Kabilang sa mga posibleng epekto nito ang pagkasira ng kagubatan at watershed, kontaminasyon ng mga ilog at karagatan, pagkawala ng sakahan at pangisdaan, pagtaas ng panganib ng pagbaha, pagguho ng lupa, gayundin ang pagkakaroon ng hidwaan sa mga komunidad.

“Learning from the experiences of Bagacay, Homonhon, and Manicani, we believe that protecting our environment today is an act of justice for present and future generations,” ayon sa diyosesis.

Binigyang-diin ng Diocese of Borongan ang mahalaga ang pangangalaga sa likas na yaman ng Eastern Samar bilang panangga laban sa kalamidad at mahalagang pinagkukunan ng kabuhayan ng mga mamamayan.

Dahil dito, hinimok ng diyosesis ang mga Sangguniang Bayan ng Giporlos at Balangiga, gayundin ang mga barangay, na magpasa ng mga resolusyong tututol sa pagmimina upang mapangalagaan ang kalikasan at kapakanan ng mga susunod na henerasyon.

Nanawagan din ang simbahan sa iba’t ibang sektor na magkaisa sa pagsusulong ng kaunlarang kumikilala sa dignidad ng tao, pangangalaga sa sangnilikha, at kabutihang panlahat.

“The Diocese of Borongan remains steadfast in promoting peace, justice, and responsible stewardship of our common home,” saad ng diyosesis.

Isabuhay ang kultura ng pagkakaibigan, paanyaya ni Cardinal Advincula sa PCNE 2026 participants

Norman Dequia Friday, July 24, 2026 10:45 am

 2,180 total views

Hinimok ni Manila Archbishop Jose Cardinal Advincula ang mga Katoliko na isabuhay ang tunay na Kristiyanong pagkakaibigan sa pamamagitan ng mahinahong pag-akay sa kapwa sa halip na pilitin ang kanilang pagbabago.

Ito ang binigyang-diin ng arsobispo sa pagbubukas ng 12th Philippine Conference on the New Evangelization (PCNE XII) sa University of Santo Tomas Quadricentennial Pavilion.

Sa kanyang homiliya, sinabi ng kardinal na ang ebanghelisasyon ay dapat isabuhay sa diwa ng pagtitiis, pagtitiwala sa Diyos at pagtutulungan, na inilarawan niya sa tatlong Marian virtues na hinay-hinay, kanunay, at buligay, na siya ring tema ng PCNE XII na “Sangkay” o pagkakaibigan.

Binigyang-diin ni Cardinal Advincula na ang tunay na pagmamahal ay hindi namimilit kundi nag-aakay.

“But Mary reminds us that, in true friendship, love never forces; but simply accompanies. Ang totoong kaibigan ay marunong maghintay, dahil ang paghihintay ay pagmamahal din. Gradualness is a language of love. Sa pagmamahal, hindi minamadali o pinipilit ang tao,” ayon kay Cardinal Advincula.

Ayon sa kardinal, mahalagang matutuhan ng Simbahan ang pamamaraan ni Maria sa pag-akay sa kapwa, lalo na sa mga nahihirapang lumago sa pananampalataya.

“Like Mary, may we learn to accompany our friends rather than control them, to encourage them rather than pressure them, and to trust that God will complete the work he has begun in every heart,” dagdag pa ng arsobispo.

Tinukoy din ni Cardinal Advincula na dumarating sa bawat tao ang yugto ng panghihina sa pananampalataya, bokasyon at mga ugnayan, subalit iginiit na hindi ito dapat maging dahilan upang talikuran ang Diyos.

“When the joy diminishes, or the enthusiasm fades, our first response should not be to give up or walk away, but to turn to Jesus,” aniya.

Ayon pa sa arsobispo, isa sa mga hamon ng kasalukuyang panahon ay ang paghahanap ng panibagong karanasan sa halip na manatiling tapat sa mga pangakong ginawa.

Ipinaalala ni Cardinal Advincula na ang matatag na pananampalataya ay nasusukat sa patuloy na pananalangin, paglilingkod at pagmamahal kahit sa gitna ng karaniwang takbo ng buhay.

Hinikayat ng kardinal ang mga mananampalataya na isabuhay ang kultura ng pagtutulungan sa loob ng Simbahan, sa halip na umasa lamang sa iilang tao sa gawaing misyonero.
“Christian friendship is never a one-way relationship but a shared journey in which we become instruments of God’s grace for one another,” giit ni Cardinal Advincula.

Iginiit din ng arsobispo na ang pakikibahagi sa misyon ng Simbahan ay bunga ng pakikipagkaibigan kay Kristo at hindi lamang pagtupad sa isang tungkulin.

“Indeed, Jesus has called us to be his friends, not his slaves. We are friends who share in the mission of Jesus, not slaves or employees who labor to impress or please a boss,” ayon pa sa kardinal.

Sinabi ni Cardinal Advincula na ang Simbahang nakaugat sa tunay na pagkakaibigan ay isang pamayanang walang iniiwan at sama-samang nagdadala ng pasanin ng bawat isa.
“In a Church that is built on the mutuality of friendship, no one walks alone. We pray for one another, encourage one another, forgive one another, and strengthen one another,” giit ng kardinal.

Ang PCNE XII, na may temang “Sangkay,” ay naglalayong palalimin ang diwa ng Kristiyanong pagkakaibigan bilang landas ng bagong ebanghelisasyon at misyon ng Simbahan sa Pilipinas.
Kabilang sa mga tampok sa unang araw ng pagtitipon ang keynote address ni Naval Bishop Rex Ramirez at ang Heart to Heart talk kasama si Cardinal Luis Antonio Tagle, pro-prefect ng Dicastery for Evangelization ng Vatican.

66 percent ng mga Pilipino, walang sinusuportahang kandidato sa 2028 national elections

Reyn Letran - Ibañez Thursday, July 23, 2026 6:28 pm

 14,947 total views

Opisyal na inihayag ng Momentum Research na isang next-generation public opinion research firm ang kauna-unahang National Momentum Survey nito kaugnay sa mga pananaw at saloobin ng mga Pilipino hinggil sa mga pangunahing isyung pambansa.

Kabilang sa mga tinalakay ang impeachment trial ni Vice President Sara Duterte, ang nakatakdang ika-limang State of the Nation Address ni Pangulong Marcos, at ang pre-election preferences para sa 2028 National Elections.

Batay sa resulta ng National Momentum Survey para sa General Pastisanship lumabas na 66.6 na porsyento ang independent o walang sinusuportahan; 16.7% ang suportado sa administrasyon; 13% sa oposisyon; 2.4% ang hindi alam o sigurado; at 1.2% naman ang tumangging sumagot.

Sa Factional Partisanship naman, lumabas na 45% ang independent o walang sinusuportahan; 28.9% ang taga-suporta ng mga Duterte at kaalyado; 12.4% ang oposisyon; at 11% naman ang taga-suporta ng mga Marcos at mga kaalyado nito.

Samantala, sa usapin naman ng kamalayan sa nagaganap na Impeachment Trial laban kay Vice President Sara Duterte, lumabas na 55.5% ang nabalitaan ang impeachment ngunit hindi gaanong nasubaybayan; 29.1% ang hindi nabalitaan ang impeachment; 12.6% ang nabalitaan at nasubaybayan; at 0.1% naman ang hindi alam o hindi sigurado.
Sa datos na ito pinakamarami ang sumusubaybay sa impeachment trial ng bise president sa metro Manila sunundan ng rest of Luzon, Mindanao at Visayas.

Kabilang din sa mga sinuri ang pananaw ng taumbayan kung dapat bang humarap si Vice President Duterte sa Impeachment Court kung saan lumabas na 44.3% ang naniniwalang lubos na mahalaga ang pagharap ng bise presidente sa pagdinig; 39% ang mahalaga; habang 13.6% naman ang hindi mahalaga.

Kaugnay naman sa pinaka-kapanipaniwalang paratang o article of impeachment laban kay VP Sara, lumabas na 24.2% ang maanomalyang paggamit ng confidential fund; 16.2% ang tangkang pagpatay sa pangulo at iba pa; 11% ang hindi maipaliwanag na yaman; 9.6% ang panunuhol sa mga kawani ng DEPED.

Lumabas rin sa pagsusuri na 36.6% ang nagtitiwala sa Senado bilang Impeachment Court; 35.5% ang hindi nagtitiwala; 12.7% ang lubos na nagtitiwala; 8.5% naman ang hindi alam o hindi sigurado.

Samantala, kaugnay naman sa mga usapin o suliranin na dapat na tutukan sa lipunan lumabas sa pagsusuri na nangunguna sa mga dapat na tutukang usapin ang korapsyon partikular na ang flood control scandal na nakakuha ng 42.6%; sinundan ng trabaho at pangkabuhayan sa 27.9%; presyo ng mga bilihin o inflation sa 23.5%; kahirapan o poverty sa 13.3%; health care sa 12.7%; 11% naman sa edukasyon; 9.8% sa illegal na droga; 8.3% sa agrikultura at food security; 6.5% sa impeachment ng bise president; 5.6% sa presyo ng produktong petrolyo; 5.2% sa peace and order at kriminalidad; at 1.3% sa pabahay.

Ayon sa organisasyon, layunin ng survey na matiyak na maririnig ang boses ng bawat Pilipino habang tinatahak ng bansa ang isang “unprecedented path” sa gitna ng mahahalagang usaping pampulitika.

Load More

BE OUR PARTNERS

THIS PORTION IS BROUGHT YOU BY

Learn More

ADVOCATE

Radyo Veritas Advocacy Category by Author

Veritas Editorial

Picture of Rev. Fr. Anton CT Pascual

Rev. Fr. Anton CT Pascual

CONVERSION OF RELATIONSHIP

Friday, July 24, 2026 7:00 am 7:00 am

 7,748 total views

 7,748 total views “A Filipino culture ruined by politics, of indifference, ideology, self-interest”. Kapanalig, likas sa ating mga Pilipino ang kultura ng pakikipagkapwa o pakikitungo sa

Read More »

NASAAN ANG SIMBAHAN

Thursday, July 23, 2026 7:00 am 7:00 am

 36,039 total views

 36,039 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS

Read More »

Upper-middle income na ang Pilipinas

Wednesday, July 22, 2026 7:00 am 7:00 am

 81,969 total views

 81,969 total views Mga Kapanalig, upgraded na daw ang Pilipinas!  Ayon sa World Bank, ang Pilipinas ay isa nang upper-middle income country. Ibig sabihin, lumampas na

Read More »

Ibinasurang paraiso

Tuesday, July 21, 2026 7:00 am 7:00 am

 115,051 total views

 115,051 total views Mga Kapanalig, napanood ba ninyo ang dokumentaryo tungkol sa lupang ninuno o ancestral land ng mga katutubong Aeta na ginawang tambakan ng basura

Read More »

Gaslighting

Monday, July 20, 2026 7:00 am 7:00 am

 142,854 total views

 142,854 total views Mga Kapanalig, narinig na ba ninyo ang salitang “gaslighting”? Ang gaslighting ay isang uri ng sikolohikal na manipulasyon kung saan ipinalalabas ng isang

Read More »

Watch Live

LISTEN LIVE TO DZRV846 E-RADIO PORTAL

RELATED ARTICLES

Load More
Scroll to Top