42,754 total reads
Pangungunahan ni Cardinal Luis Antonio Tagle, Pro-Prefect ng Dicastery for Evangelization, ang banal na misa sa Diocese of Assisi sa Italy sa October 11,2026.
Ito ay bahagi ng apat na araw na pagdiriwang para sa kapistahan ni Saint Carlo Acutis at ika-20 anibersaryo ng kanyang pagpanaw noong October 12, 2006.
Ibinahagi ng Diocese of Assisi pagdiriwang ng banal na misa, mga patotoo, Eucharistic adoration at mga pagninilay sa buhay at pananampalataya ng Santo.
Matapos ang Eucharistic celebration ni Cardinal Tagle, susundan ito ng liturgical memorial ng batang santo.
Si St. Carlo Acutis ay kinikilala bilang huwaran ng kabataang namuhay nang malalim ang debosyon sa Eukaristiya habang ginagamit ang makabagong teknolohiya na kasangkapan sa kaalaman at pagpapalaganap ng pananampalataya.
Ibinahagi ng Diocese of Assisi na 1.7 million pilgrims na ang bumisita sa shrine mula July 2025, kasabay ng Jubilee of Youth.
Ikinagalak ng Diocese of Assisi na bagama’t kabilang sa pagdagsa ng mga peregrino ang pagdiriwang para sa Franciscan centenary at ang pagpapakita ng katawan ni Saint Carlo noong February at March 2026 ay patuloy na makikita ang malawak na interes ng mga deboto sa batang Santo.
Naniniwala ang Diyosesis na ang batang Santo ay malaking inspirasyon sa isang henerasyong naghahanap ng paraan upang isabuhay ang pananampalataya sa makabagong mundo.
