41,138 total reads
POSIBLE kaya Kapanalig ang panibagong EDSA people power?
Galit na galit na ang mga Pilipino sa tinaguriang “endemic” corruption sa ating bansa. Sa gitna ng matinding kahirapan, kagutuman na dinaranas ng milyun-milyong Pilipino, libu-libong Pilipino ang lumalangoy sa tubig-baha sa tuwing may pag-uulan. Ipinapangalandakan naman ng mga makakapal na mukha na mga contractors, mga politico, mga kamag-anakan ang labis-labis na luho., lifestyle, magagarang ari-arian mula sa nakurakot na bilyunes sa kabangbayan. Sinuman ba naman ang hindi magagalit? Kung kasama ka sa pamilya magnanakaw, ngiting aso ka.
Kahit anong tinatawag na “kurakot shaming” ang gagawin mo, hindi na tinatablan ng kahihiyan ang mga magnanakaw na kontraktor, mga Senador, Congressman, mga opisyal ng DPWH., COA maging ang kanilang mga kamag-anakan. 545-bilyong piso lang naman na pondo para sa flood control projects ng gobyerno ang pinagpapasasaan ng mga ganid sa salapi. Sa Pilipinas lang Kapanalig, kinaiingitan ang mga magnanakaw.
Punong-puno na ang taumbayan., sawa na ang mga Pilipino sa katiwalian at kawalan ng pananagutan.
Kaya Kapanalig, sa Setyembre 21, 2025 sa paggunita ng ika-53 taong anibersaryo ng martial law., tara na sa EDSA People Power monument. Sa araw na ito, itinakda ang malawakang “anti-corruption protest” na tinaguriang “The TRILLION PESOS march” na pangungunahan ng Simbahang Katolika, civil society groups, Catholic schools, Academe, Philippine Council of Evangelical Churches (PCEC), National Council of Churches in the Philippines (NCCP) at mga mamamayan na nagmamalasakit sa bayan. Adhikain ng pagkilos na yanigin., pukawin ang konsensiya ng mga magnanakaw sa kaban ng bayan, magkaroon ng pananagutan sa pamahalaan, lalu na ang bilyun-bilyong pisong pondo na nasayang dahil sa “ghost at substandard” na flood control project ng gobyerno na kinasasangkutan ng mga opisyal ng DPWH, COA, mga Senador., mga congressman at kasabwat na kontraktor.
Tayong mga Pilipinas ay mayroong karapatan na magsalita, kumilos sa mga usaping nakakaapekto sa bansa. Ang rally na ito ay pagpapakita sa pagkadismaya at sukdulang damdamin ng taumbayan sa talamak na korapsyon at impunity.
Kapanalig, ang pagkakaisa ng simbahan, akademya, at civil society ay dapat magsilbing babala sa mga nasa kapangyarihan na hindi na mananahimik ang mamamayan sa paniningil ng pananagutan.
Ipinapaalala naman ng mga lider ng simbahan sa pupunta sa EDSA na taumbayan na maging aral ang masakit na karanasan sa Nepal na naging bayolente ang anti-corruption rally. Walang lugar ang marahas at bayolenteng pagkilos sa nagkakaisang panawagan sa pananagutan ng (4) na Senador, (67) Congressman., mga opisyal ng DPWH at mga top flood control contractors.
Kailangang may managot! May maparusahan!
Ika nga Kapanalig, “Let us show that the Filipino people will not be silent. Our faith demands action. Our children’s future demands courage.
Ipinaalala ng (Kawikaan 15:27) na ang katiwalian ay sumisira sa kaayusan ng bayan at nag-aalis ng tiwala ng mamamayan sa pamahalaan.
Sumainyo ang Katotohanan.
