VeritasPH

The Word, The Truth

 286 total views

Pentecost Sunday Cycle C

Acts 2:1-11 Rom 8:8-17 Jn 20:19-23

Noong si Jesus ay kasama natin, ang dami niyang mga hamon na binigay sa atin tulad nang, kailangan nating tanggihan ang ating sarili, buhatin ang ating krus at sumunod sa kanya; tulad nang, sumunod sa kanyang utos kung talagang nagmamahal tayo sa kanya; tulad nang, magdasal tayo palagi upang hindi mahulog sa tukso; tulad nang, mahalin natin ang ating kaaway; tulad nang, humayo tayo sa dulo ng daigdig upang maging saksi niya, at marami pang iba. Magaganda naman ang mga ito at talagang makakatulong sa ating paglapit sa Diyos at sa ating maayos na pagsasama dito sa mundo. Pero ang tanong ay: kaya ba natin gawin ang mga hamon na ito? Kung i-aanalyze natin ang ating sarili at ating pagkatao mismo, hindi yata natin ito magagawa. Mahihina tayo. Malakas ang influensiya ng mundo.

Pero mga kapatid, hindi naman magbibigay ng utos at hamon ang Diyos na hindi natin magagawa. Kaya, hindi lang si Jesus nangaral. Hindi lang siya nagbigay ng mabuting halimbawa upang ipaalam sa atin kung paano gawin ang sinabi niya. Nagbigay din siya ng kakayahan, ng power, upang bigyan tayo ng capacidad na gawin ang sinasabi niya. Pag-akyat ni Jesus sa langit, sinabi niya sa mga alagad niya na bago sila humayo sa dulo ng daigdig manatili muna sila sa Jerusalem at antayin ang ipinangako niyang Katulong na ipadadala niya. Hindi niya tayo hahayaang ulila. Magpapadala siya sa atin ng isang Katulong at Mang-aaliw upang ipaalaala sa atin ang mga itinuro niya at upang samahan tayo sa katotohanan. Ito ay walang iba kundi ang Espiritu ng Katotohanan. Ito ay walang iba kundi ang Espiritu na bumuhay sa kanya mula sa kamatayan at lumuklok sa kanya sa kanan ng Diyos Ama. Ito ay walang iba kundi ang Espiritu na gumawa sa atin na mga anak ng Diyos. Mga anak nga tayo ng Diyos at matatawag natin siyang “Daddy, Ama ko.” Ang Espiritung ito ay mas makapangyarihan kaysa espiritu na nasa mundo. We have the power of God working in us. Ito ang ipinadiriwang natin sa Linggong ito, ang Pentecost Sunday, ang pagbaba ng Espiritu Santo sa simbahan.

Bago dumating ang Espiritu Santo, ang mga alagad ay nakakulong sa isang kwarto. Maaari na sila ay takot o nahihiya na magpakilala na sila ay mga alagad ni Jesus. Baka ang nangyari kay Jesus na siya ay hinuli at pinatay ay mangyari din sa kanila. Pista noon ng Pentekostes, isang dakilang kapistahan ng mga Hudyo na kanilang pinagdiriwang ang pagbigay ng malaking biyaya ng Diyos sa kanila – ang kautusan ng Diyos sa pamamagitan ni Moises doon sa Bundok ng Sinai. Ito ang pinakamalaking regalo ng Diyos sa kanyang bayan. Hindi na nila huhulaan pa paano maging kalugud-lugod sa Diyos. Sundin lang nila ito at maging malapit na sila sa kanya. Ito ang karangalan nila bilang bayan ng Diyos, na alam nila ang kagustuhan ng Diyos. Ito ay nasa batas ni Moises.

Habang nagdiriwang ang mga pilgrims sa Jerusalem, ang mga alagad ay nagtatago sa isang kwarto – hanggang dumating ang Espiritu Santo! Dumating ito sa anyo ng malakas na hangin at mga dilang apoy. Ang malakas na hangin sa bahay na pinagtataguan nila ay nakatawag ng pansin sa maraming mga tao. Ang mga tao na galing sa iba’t-ibang bahagi ng mundo ay nagkatipon-tipon sa labas ng bahay na iyon. At lumabas na si Pedro at ang mga kasamahan niya. Nagsimula na silang magpahayag tungkol kay Jesus. Nanawagan na sila ng pagsisisi. Si Jesus na ipinapatay ng mga Hudyo ay muling binuhay ng Ama. Ito ay naaayon sa Banal na Kasulatan. Talikdan na nila ang mga kasamaan na kanilang ginagawa at manalig na kay Jesus, ang tanging tagapagligtas. At naintindihan sila ng mga tao kahit na ang mga ito ay galing sa ibang mga bansa at iba’t-iba ang kanilang mga lenguahe.

Saan nanggaling ang tapang na ito ng mga alagad? Paano nagkaisa ang mga tao sa harap ng bahay na iyon? Paano nila naintindihan ang pahayag ng magagandang bagay tungkol sa Diyos? Paano na agad silang nagsisisi at nagpabinyag, na sa araw na iyon higit na tatlong libo ang nabinyagan? Ang mga ito ay nangyari dahil sa kapangyarihan ng Espiritu Santo. Kaya para sa ating mga Kristiyano ang Pentekostes ay hindi na kapistahan ng pagbigay ng Batas ni Moises sa bundok ng Sinai. Ito ay ang kapistahan ng pagbaba ng Espiritu Santo. Hindi na ang batas ang pinakamahalagang regalo kundi ang Espiritu ng Diyos na hindi nakasulat sa bato kundi sa bawat puso ng tao. Ang Espiritu ay hindi lang nagbibigay ng kaalaman. Ito ay nagbibigay ng kakayahan na isabuhay ang mga aral na nagbibigay buhay, hindi na mga aral ni Moises kundi mga aral ni Jesukristo.

Ngayong araw na ito ipinagdiriwang natin ang pagpapakilala ng Simbahan sa buong mundo, kaya itinuturing natin ang araw na ito na birthday ng simbahan. Ang buhay ng tao ay hindi naman nagsisimula sa kanilang birthday. Matagal na ang buhay na iyan, mga siyam na buwan na, pero nandoon lang sa katahimikan at kadiliman ng tiyan ng kanyang nanay. Nahayag ang buhay na iyon noon isinilang ang sanggol. Nakilala na siya ng mundo. Ganoon din ang simbahan. Nandoon na siya noong tinipon ni Jesus ang kanyang mga alagad. Nakikinig sila sa mga aral ni Jesus, nasaksihan nila ang mga himala ni Jesus at sumunod sila sa kanya sa kanyang paglalakbay sa Galilea. Pero nahayag ang simbahan ngayong araw ng Pentekostes. Ang simbahang ito ay ang katawan ni Kristo na nagpapatuloy ng kanyang misyon sa mundo na nandito na nga ang kaligtasan at ang kaligtasang ito ay si JesuKristo.

Mga kapatid, ang pagdating ng Espiritu Santo ay hindi lang nangyari noong Pentekostes. Ang Espiritu Santo ay patuloy na pinapadala ni Jesus sa bawat Kristiyano. Ito ay natanggap natin noong tayo ay bininyagan at pinalakas at pinagyaman noong tayo ay kinumpilan. Sa sakramento ng binyag natanggap natin ang buhay ng Diyos. Sa Kumpil ang buhay na ito ay pinalalakas. Binibigyan tayo ng kakayahan na panindigan ang pananampalataya at isabuhay ito. Kaya nating sundan si Jesus at isabuhay ang mga utos at hamon niya. Kaya tayo ay hinihikayat to live the life of the Spirit. Is my life now a life in the spirit? Huwag na tayo magpadala sa hila ng laman. Mas malakas ang tawag ng Espiritu kaysa tawag ng laman na nagdadala sa atin sa kasalanan.

Totoo, ang buhay natin sa lupa ay isang pakikibaka laban sa kasamaan. We belong to the militant church. Sinasalakay tayo ng tukso at ng kasamaan. Kaya nilalayuan at nilalabanan natin ang mga ito. Kaya natin ito. Ang kapangyarihan na nasa atin ay mas malakas kaysa kapangyarihan ng Kasamaan. Ang pakikibaka natin sa kasamaan ay hindi lang sa kasamaan sa ating mga personal na buhay. Nandiyan din ang kasamaan sa mundo, ang kasamaan sa business, ang kasamaan sa politika, ang kasamaan sa social media. Ang mga ito ay sumisira sa kaayusan ng buhay ng tao. Huwag tayo magpadala dito. Kilalanin natin ang mga pagkademonyo ng mga ito at labanan. Dahil dito nagsasalita ang simbahan laban sa mga katiwalian kahit na saan man ito mangyari. Kahit na nga mismo sa katiwalian ng mga pari at mga obispo nagsasalita ang simbahan. At hindi siya natatakot, hindi tayo natatakot, nasa atin ang Espiritu ng katotohanan, ang Espiritu ng Kabutihan, ang Espiritu ng Pag-ibig. Ito ay ang Espiritu ni Jesus na binibigay sa atin at nananahan sa atin.

Sa bawat misa ang tinapay at alak ay nagiging katawan at dugo ni Kristo dahil sa kapangyarihan ng Espiritu Santo. Hayaan din natin na tayo ay baguhin ng Espiritu Santo upang maging instrumento tayo ng kaligtasan sa araw na ito.

Screenshot 2024-04-26 121114
ads
ads
2
3
4
previous arrow
next arrow

Veritas Editorial

Rev. Fr. Anton CT Pascual

Rev. Fr. Anton CT Pascual

President of Radio Veritas

Kalidad ng pagtuturo

 5,278 total views

 5,278 total views Mga Kapanalig, itinalaga na ni Pangulong Bongbong Marcos, Jr si Senador Juan Edgardo “Sonny” Angara bilang bagong kalihim o secretary ng Department of Education kapalit ni Vice President Sara Duterte. Sa isang editoryal, binanggit natin ang kahilingan ng ilang grupo ng mga guro na sana, ang bagong kalihim ng DepEd ay isang educator

Read More »

Mga payaso sa sirko

 12,814 total views

 12,814 total views Mga Kapanalig, may kasabihan sa Ingles na “elect a clown, expect a circus.” Kapag bumoto raw tayo ng mga payaso, asahan nating magiging sirko ang gobyerno.  Pasintabi po sa mga ang hanapbuhay ay ang pagiging payaso. Ipinaaalala lamang ng kasabihang ito kung gaano kaseryoso ang paggiging lingkod-bayan. Ang pagsisilbi sa pamahalaan ay hindi

Read More »

BPO industry

 28,800 total views

 28,800 total views Kapanalig, hindi natin maitatanggi, ang laking tulong, ginhawa, at pag-asa ang dinala Business Process Outprocessing industry o BPO, sa maraming manggagawang Filipino. Nabigyan ng opsyon ang marami nating mga mamamayan – graduate, o bagong graduate, middle aged, o kahit retired na, part-time, full-time – marami ang nagkaroon ng pagkakataon kumita dahil dito. Nakakapamili

Read More »

Balik Probinsya

 36,845 total views

 36,845 total views Kapanalig, marami ngayong Filipino ang nahahalina at pumipiling magbuhay probinsya. Malaking pagbabago ito, dahil bago mag pandemic, ang ating mga syudad, partikular na ang National Capital Region ang pangunahing migration destination sa ating bayan. Trabaho ang pangunahing rason – sa mga syudad kasi makikita ang karamihan sa mga oportunidad sa bayan. Pero iba

Read More »

Kuryente

 41,925 total views

 41,925 total views Kapanalig, kahit ano pang pagpipikit mata natin o bulagbugan, hindi natin matitiis na ang mahal ng halaga ng kuryente sa ating bansa. Lalo ngayon kapanalig, na tumataas ang halaga ng dolyar, pihado, madarama na natin ang panibagong aray sa kuryente. Nauna na nga ang pasakit ng halaga ng krudo at gas, hindi ba?

Read More »
catholink
Shadow
truthshop
Shadow

Related Story

First Things First & Homilies
Most Rev. Broderick Pabillo, D.D.

Homily July 14, 2024

 1,228 total views

 1,228 total views Homily July 14, 2024 15th Sunday of Ordinary Time Cycle B Amos 7:12-15 Eph 1:3-14 Mk 6:7-13 Ang Diyos ay palaging nagpapadala. Noon, nagpapadala siya ng mga propeta. Pinadala niya ang kanyang Anak. Pinadala niya ang kanyang mga alagad kaya sila ay tinawag na mga apostol, na ang kahulugan ay ang mga pinadala.

Read More »
First Things First & Homilies
Most Rev. Broderick Pabillo, D.D.

Homily July 7, 2024

 7,357 total views

 7,357 total views Homily July 7, 2024 14th Sunday Ordinary Time Cycle B Ez 2:2-5 2 Cor 12:7-10 Mk 6:1-6 Talagang nakakataka. Ang mabuti ay mahirap tanggapin at mahirap gawin, pero ang masama ay madaling paniwalaan at madaling gawin. Mahirap maniwala ang tao na nakabubuti sa kanila ang kabutihan pero madali sundin ang masasamang gawain. Hindi

Read More »
First Things First & Homilies
Most Rev. Broderick Pabillo, D.D.

Homily June 30, 2024

 5,486 total views

 5,486 total views 13th Sunday of Ordinary Time Cycle B St. Peter’s Pence Sunday Wis 1:13-15; 2:23-24 2 Cor 8:7. 8. 13-15 Mk 5:21-43 Napakaraming kasamaan ang nababalitaan natin at nararanasan – pag-aaway, karamdaman, bisyo, at marami pa. Ang pinakamasama na iniiwasan natin pero madalas na nangyayari at sinasadya pang gawin ay ang kamatayan. Ang Magandang

Read More »
First Things First & Homilies
Most Rev. Broderick Pabillo, D.D.

Homily June 23, 2024

 7,769 total views

 7,769 total views 12th Sunday of Ordinary time Cycle B Job 38:1.8-11 2 Cor 5:14-17 Mk 4:35-41 Nakakatakot talaga na datnan ng bagyo sa gitna ng dagat. Kahit na iyong malayo sa Diyos ay napapatawag sa kanya. Lahat ng santo ay natatawagan nila. Ang mga kasama ni Jesus ay mga mangingisda. Sanay sila sa dagat. Pero

Read More »
First Things First & Homilies
Most Rev. Broderick Pabillo, D.D.

Homily June 16, 2024

 10,675 total views

 10,675 total views 11th Sunday of Ordinary Time Cycle B Father’s Day Ez 17:22-24 2 Cor 5:6-10 Mk 4:26-34 Happy Father’s Day sa mga tatay na nandito! Ang ikatlong Linggo kada buwan ng Hunyo ay Father’s Day. Pinapaalaala po sa atin ang mga tatay natin. Malaki ang influensiya nila sa atin at malaki ang utang na

Read More »
First Things First & Homilies
Most Rev. Broderick Pabillo, D.D.

Homily June 9, 2024

 11,614 total views

 11,614 total views Homily June 9, 2024 10th Sunday of Ordinary Time Cycle B Gen 3:9-15 2 Cor 4:13-5:1 Mk 3:20-35 Bising-bisi si Jesus. Marami ang mga tao na pumupunta sa kanya at sa kanyang mga alagad. Marami ang dumadating upang magpagaling sa anumang karamdaman. Lalong marami ay dumadating upang makinig sa kanyang mga aral. May

Read More »
First Things First & Homilies
Most Rev. Broderick Pabillo, D.D.

Homily June 2, 2024

 11,608 total views

 11,608 total views Homily June 2, 2024 Solemnity of the Most Holy Body and Blood of Christ Cycle B Ex 24:3-8 Heb 9:11-15 Mk 14:12-16.22-26 Napakalaki ng pag-ibig ng Diyos sa atin. Naging tao siya upang makapiling tayo. Kahit na siya ay umakyat na sa langit patuloy pa rin tayong pinangangalagaan. Ipinamamagitan niya tayo sa Ama.

Read More »
First Things First & Homilies
Most Rev. Broderick Pabillo, D.D.

Homily May 26, 2024

 15,326 total views

 15,326 total views Solemnity of the Most Holy Trinity Cycle B Basic Ecclesial Community Sunday Deut 4:32-34.39-40 Rom 8:14-17 Mt 28:16-20 Matapos ang makababalaghang karanasan ng mga Israelita sa paglikas nila sa Egipto at matapos ang mahabang paglalakbay nila sa disyerto ng apatnapung taon, pinaisip sila ni Moises bago sila pumasok sa lupaing ipinangako sa kanila.

Read More »
First Things First & Homilies
Most Rev. Broderick Pabillo, D.D.

Homily May 19, 2024

 17,172 total views

 17,172 total views Homily May 19, 2024 Pentecost Sunday Cycle B Acts 2:1-11 1 Cor12:3-7.12-13 Jn 20:19-23 Ang Pentekostes ay isang dakilang pista ng mga Hudyo, kaya mayroong maraming tao noon sa Jerusalem na galing sa iba’t-ibang bansa. Namimiesta sila. Sa kapistahan ng Pentekostes ipinagdiriwang ng mga Hudyo ang pagbibigay sa kanila ng mga batas ng

Read More »
First Things First & Homilies
Most Rev. Broderick Pabillo, D.D.

Homily May 12, 2024

 17,169 total views

 17,169 total views Homily May 12, 2024 Ascension Sunday World Communications Sunday Mother’s day Acts 1:1-11 Eph 4:1-13 Mk 16:15-20 Bahagi ng buhay ng tao ay ang pag-welcome at ang pamamaalam. Kadalasan masaya tayo sa pag-welcome sa isang dakila o mabait na tao at malungkot tayo sa pag-alis niya. Masaya tayo sa pagtanggap sa auntie na

Read More »
First Things First & Homilies
Most Rev. Broderick Pabillo, D.D.

Homily May 5, 2024

 21,678 total views

 21,678 total views 6th Sunday of Easter Acts 10:25-26 1 Jn 4:7-10 Jn 15:9-17 Pag-ibig. Hinahanap-hanap ito ng marami. Ito ang nagbibigay ng kulay sa ating buhay at ito nga ang nagbibigay ng kabuluhan sa ating gawain. Kahit na mahirap at kahit na matagal, anumang hamon ay gagawin natin at magagawa natin kung tayo ay may

Read More »
First Things First & Homilies
Most Rev. Broderick Pabillo, D.D.

Homily April 21, 2024

 26,994 total views

 26,994 total views Homily April 21, 2024 4th Sunday of Easter Cycle B Good Shepherd Sunday World Day of Prayer for Vocations Acts 4:8-12 1 Jn 3:1-2 Jn 10:11-18 Taon-taon ang ika-apat na Linggo ng panahon ng Muling Pagkabuhay ay Good Shepherd Sunday. Maliwag ang sinabi ni Jesus sa atin ngayong araw: “Ako ang mabuting pastol.”

Read More »
First Things First & Homilies
Most Rev. Broderick Pabillo, D.D.

Homily April 14, 2024

 29,152 total views

 29,152 total views Homily April 14, 2024 3rd Sunday of Easter Cycle B Acts 3:13-15.17-19 1 Jn 2:1-5 Lk 24:35-48 Ang muling pagkabuhay ni Jesus ay ang tagumpay sa kasalanan. Ibinuhos na kay Jesus ang lahat ng fuersa ng kasalanan. Naranasan niya ang iba’t-ibang anyo ng kasalanan. Siya ay pinagbili ni Judas, pinagtinaksilan ni Pedro, pinagbintangan

Read More »
First Things First & Homilies
Most Rev. Broderick Pabillo, D.D.

Homily April 7, 2024

 31,310 total views

 31,310 total views Homily April 7, 2024 2nd Sunday of Easter Cycle B Divine Mercy Sunday Acts 4:32-35 1 Jn 5:1-6 Jn 20:19-31 Ang muling pagkabuhay ay hindi lang tagumpay ni Jesus. Tagumpay ito ng buong katawan ni Kristo kaya kasama tayong lahat diyan kasi kaisa tayo ng katawan ni Kristo. Narinig natin sa ating ikalawang

Read More »
First Things First & Homilies
Most Rev. Broderick Pabillo, D.D.

First Things First | April 6, 2024

 31,658 total views

 31,658 total views First Things First | April 6, 2024 WATCH: Reflection on today’s First Reading from Bp. Broderick Pabillo.

Read More »

Latest Blogs

Scroll to Top