169,668 total reads
Kapanalig, ang “impasse” ngayon sa Senate of the Philippines, ang labanan sa poder., sa liderato., committee chairmanships, ang talamak na grandstanding, pakikipagsabwatan ng mga Senador para sa sariling interes.,ginagawa ang lahat maging ito’y illegal, labag sa batas mapagtakpan lamang ang katotohan.
Sa power struggle., kawawa ang mga Pilipino…
Ang girian sa self-interest ng mga Senador ay lubha nang nakakaapekto sa ating mga Pilipino. Sino nga ba ang dapat na paniwalaan? Sino ba ang nagsasabi ng katotohanan?Ang malinaw Kapanalig, marami sa mga Senador na ating inihalal ay hindi karapat-dapat. Hindi importante sa kanila ang kapakanan ng taumbayan., tayong mga Pilipino ay walang sa kanila.
Ating nasaksihan, sa halip na magtrabaho para sa bayan.,nakita natin kung ano ang binibigyang prayoridad ng mga Senador, ang pansariling interes, ang loyalty sa dating pangulong Duterte na nahaharap sa kasong crimes against humanity sa The Hague Netherlands at anak na si Vice President Sara Duterte.
Sinasabing kapag inihalal sa puwesto ay isang “clown”, asahan na ang pagkakaroon ng “circus”. Nangyari ito noong June 1,2026 matapos maaresto si Senador Jinggoy Estrada sa kasong plunder kaugnay ng flood control project scandal. Sa halip na magtrabaho, lumiban ang majority Senators sa naka-iskedyul na plenary session kaya naiwan ang 11-minority Senator nang walang “quorum”. June 2, binoykot na naman ng majority Senators ang plenaryo ng Senado. Simple lang ang dahilan, takot si Senate President Alan Peter Cayetano na makudeta dahil ang kanyang taga-suporta ay nalagas sa 11 na lamang dahil sa pagkadakip kay Jinggoy at pagtatago ng puganteng si Senador Dela Rosa.
Sa halip na unahin ang mga importanteng panukalang batas at agendas, ginawang prayoridad ng majority Senators ang pamumulitika at grandstanding.
June 3- nagkaroon na naman ng power shift sa Senado nang biglang sumulpot sa plenary session si Senador Chiz Escudero. Nagkaroon ng bagong majority ng 12-Senador laban sa bagong minority ng 10-Senador. Na-elect si Senador Sherwin Gatchalian na Senate President Pro Tempore. Natural hindi tinanggap ni Cayetano ang naganap na power shift, patuloy itong naninindigan na siya pa rin ang Senate President dahilan ng lumalalang kalituhan hindi lamang sa Senado kungdi sa ating mga Pilipino.
Kapanalig, para linawin ang kalituhan., naglabas ng pahayag ang mga dean, law professor ng iba’t-ibang law school sa bansa kasama si retired Justice Adolfo Azcuna, isa sa mga framer ng 1987 constitution gayundin ang Integrated Bar of the Philippines na mayroong quorum sa Senate session noong June 3,2026 at valid ang paghalal kay Gatchalian na Senate President Pro Tempore.
Inihalimbawa ng mga law expert ang Avelino vs Cuenco ruling ng Korte Suprema kung saan ang political reality ay ginampanan ng 12-Senador ang tungkulin habang pinili ng 11-Senador na huwag gampanan ang trabaho bilang mambabatas.
Sa kasalukuyan, nakikipagpaligsahan si Cayetano kat Gatchalian sa pagpapalabas ng mga memo., hindi tuloy malaman ng mga kawani sa Senado kung papasok sa trabaho o hindi at kung sino ang susundin sa dalawa… Gridlock pa rin sa Senado
Kapanalig, sinasabi sa Vatican II na ang politika ay isang “difficult and noble art” (GS, 75). Dapat nauunawa ang kapakanan ng mamamayan bago ang sarili ng mga politiko.
Sumainyo ang Katotohanan.
