344 total views
Nanawagan ang Apostolic Vicariate of Puerto Princesa sa mga Palaweño na maging mapagbantay sa nagaganap na canvassing of votes matapos ang plebisito sa probinsya noong ika-13 ng Marso, 2021.
Ayon kay Puerto Princesa Bishop Socrates Mesiona, dapat na igalang ang kasagraduhan ng boto ng bawat Palaweño na nakibahagi sa plebisito.
Ipinapanalangin rin ng Obispo ang pananaig ng katapatan at kabutihan sa lahat ng mga nangangasiwa sa pagbibilang ng boto sa naganap na plebisito kung saan nakasalalay ang kinabukasan ng probinsya ng Palawan.
“Now that the plebiscite is coming to a close, we call on every Palaweño to be very vigilant in the conduct of canvassing of votes. The people has spoken and they must be listened to through deep respect on the sanctity of ballots. We pray for those who are tasked to facilitate the counting of votes. May you always be inspired and guided by your solemn promise to serve the people and the common good.”pahayag ni Bishop Mesiona.
Nagpaabot naman ng pagkilala at pasasalamat ang Obispo sa lahat ng mga nagsilbi bilang local Parish Pastoral Council for Responsible Voting (PPCRV) volunteers na nagsilbing tagapagbantay ng Simbahan sa pagtiyak ng kaayusan at katapatan sa katatapos lamang na plebisito sa Palawan.
“Meanwhile, I express my admiration and gratitude to those who selflessly served as PPC-RV (Parish Pastoral Council for Responsible Voting) volunteers in their respective parishes. Your faith has shown so brightly serving and collaborating in the task socio-political.” Dagdag pa ni Bishop Mesiona.
Samantala sa panayam ng Obispo sa Radio Veritas na Veritas Pilipinas, inihayag ng Obispo na sinasalamin ng inisyal na resulta ng naganap na plebisito sa probinsya kung saan higit na nakalalamang ang botong ‘No’ o ‘Hindi’ ang paninindigan ng mga Palaweño para sa iisang probinsya ng Palawan.
Kabilang sa mga nakikitang dahilan ni Bishop Mesiona sa paninindigan ng mga Palaweño laban sa paghahati sa tatlo sa probinsya ay ang pagkawala ng pagkakakilanlan ng mamamayan.
Naniniwala rin si Bishop Mesiona na maaari pa ring maibahagi sa lahat ng mamamayan ang pag-ulad at pagbabago sa Palawan kahit hindi ito hatiin sa tatlo.
“Una ang unang dahilan ay hindi po talaga , ayaw po talaga nila na mahati-hati sila kasi ibig sabihin mawawala yung identity nila bilang Palaweño kung mahati nga yung Palawan. Pangalawa ay hindi pa naman po siguro kasi ganoon kadami ang tao sa Palawan at kailangan hatiin. Pangatlo, siguro po ay yung tinatawag na kaunlaran o development ay maari namang gawin kahit na yung mapaglingkuran ay buong Palawan”. pagbabahagi ni Bishop Mesiona sa panayam sa Radio Veritas.
Batay sa tala ng Commission on Election may 490,369 ang bilang ng mga botante sa Palawan kung saan 244,029 o 49.76% ng mga botante sa probinsya ang nakibahagi sa naganap na plebisito.