59,413 total reads
5-Milyong Pilipino ang nawawalan ng trabaho ngayong taong 2025.
Ito ang babala ng labor group Federation of Free Workers (WWF) dahil sa epekto ng Artificial Intelligence (AI) at climate change sa mga lokal na industriya sa Pilipinas.
Sinasabi ng WWF na hindi kayang i-offset ng employment na malilikha ng 2025 midterm national and local elections ang mawawalan ng trabaho sa iba’t-ibang sektor sa bansa particular na sa sektor ng agrikultura.
Tinataya na sa kalagitnaan ng unang quarter ng 2025 ay mananalasa sa bansa ang extreme weather na sisira sa mga pananim na magreresulta sa displacement ng mga manggagawa sa sektor ng agrikultura sa bansa..Inaasahan na magaganap ang job losses sa unang quarter ng taong 2025 dahil sa “heat stress” o mainit na panahon na dulot ng climate change.
Kapanalig, tayong mga Pilipino ay isa mga dahilan ng tumitinding epekto ng climate change. Dahil ito sa ating kapabayaan na pangalangaan at protektahan ang sangnilikha na regalo sa atin ng panginoon. Tayo ang sumisira sa ating inang kalikasan.
Dagdag pa sa suliranin Kapanalig, ang kawalan ng interes ng pamahalaan at kongreso na dagdagan ang pondo ng sektor ng agrikultura upang maka-generate ng maraming trabaho upang makamit ng bansa ang “food sufficiency”.
Inaasahan din ang malawakang tanggalan sa trabaho sa business process outsourcing at manufacturing sector dahil magiging mainstream na ang AI sa mga operasyon ng negosyo sa bansa.
Nabatid na nagbabala ang International Monetary Fund (IMF) na 14-porsiyento ng labor workfirce ng Pilipinas ay nanganganib na mapalitan ng AI. Kapanalig, nakababahala at nakakatakot ang banta na ito ng AI sa ating mga trabahador. Dapat kumilos ang pamahalaan upang na hindi mapalitan ng AI sa trabaho ang mga mamamayang Pilipino.
Bukod dito, atubili din ang mga dayuhang mamumuhunan na magtatag ng negosyo sa bansa dahil sa malawakang red tape..mataas na halaga ng elektrisidad kumpara sa mga karatig nating bansa sa Asya.
Kapanalig, tungkulin ng estado o pamahalaan na pangalagaan ang kapakanan ng mamamayan sa banta ng anumang sakuna maging ito ay artipisyal o man-made.. Ito ang itinuturo ng panginoon.
Ang banta na ito ay dapat paghandaan at gawan ng nararapat na solusyon ng pamahalaan kasama ang mamamayan at lahat ng sektor sa bansa. Ito ito matutugunan ng salita lamang, nangangailangan ito ng sama-samang pagkilos.
Sinabi sa (Gen.1;28-29), God give the earth to the whole human race for the sustenance of all its members, without excluding or favouring anyone.
Ayon sa Compendium of the Social Doctrine of the Church 360”., God destined the earth and all it contains for all men and all people so that all created things would be share fairly by all mankind under the guidance of justice tempered by charity”.
Sumainyo ang Katotohanan.
