37,107 total reads
Hinikayat ni Antique Bishop Marvyn Maceda ang pamahalaan na simulan na ngayon ang isang makatarungan at maayos na transition ng lalawigan mula sa pagmimina tungo sa renewable energy.
Sa pastoral appeal na “The Cry for a Just Transition is Now: A Pastoral Appeal for Semirara,” sinabi ni Bishop Maceda na kailangang magkaroon ng malinaw, may takdang panahon at sapat na pondo ang ‘Just Transition Roadmap’ para maprotektahan ang mga manggagawa, pamilya at komunidad habang naghahanda ang lugar sa paglipat sa renewable energy.
Kabilang sa panawagan ang pagbuo ng renewable energy at iba pang sustainable industries sa Semirara at Caluya, paghahanda at retraining ng mga manggagawa para sa bagong trabaho, pag-iba-iba ng lokal na ekonomiya, sapat na social protection, at rehabilitasyon ng mga lupain, tubig at ecosystem na naapektuhan ng pagmimina.
“To our beloved workers and families of Semirara: the Church does not ask you to sacrifice your family’s daily bread in order to protect the environment. We ask government and industry to help ensure that you can continue earning that bread through work that is safe, dignified, and increasingly sustainable. You should not be forced to choose between your livelihood today and the future of the island your children will inherit tomorrow.
There is another path: a gradual, adequately financed, environmentally responsible and socially just transition. On this Feast of St. Francis of Assisi, as we bring our celebration of the Season of Creation to a close, we appeal to our national government, the Department of Energy, the Department of Environment and Natural Resources, SMPC, and whoever may eventually be entrusted with the future operation of the Semirara coal resource: Let the transition begin now,” ayon sa mensaheng ni Bishop Maceda na pinadala sa Radyo Veritas.
Nilinaw ni Bishop Maceda na hindi hinihiling ng Simbahan ang biglaang paghinto ng coal mining na maaaring magdulot ng matinding epekto sa kabuhayan ng libo-libong manggagawa at kanilang pamilya, kundi isang responsable at pinondohang transition o pagbabago habang may panahon at resources pa upang ito ay maihanda.
Hiniling din ng Obispo sa Department of Energy na isama ang ‘Semirara Just Transition Roadmap’ sa Philippine Energy Plan at sa mga tuntunin ng anumang magiging future Coal Operating Contract, kabilang ang mga planong pangkabuhayan, environmental rehabilitation at economic diversification.
Binigyang-diin ni Bishop Maceda na ang usapin ay hindi lamang tungkol sa kalikasan at enerhiya kundi tungkol din sa katarungan, dignidad ng tao at pananagutan sa Diyos para sa ating common home, kasabay ng panawagan na bigyang-boses ang mga manggagawa, pamilya at komunidad sa paghubog ng kinabukasan ng Semirara.
