65,066 total views
Hindi pa tapos ang unang quarter ng taong 2025., Tumaas pa lalo ang bilang ng mga Pilipinong nagugutom o kapos ang pagkain sa hapag kaininan. Bakit dinaranas ito ng maraming Pilipino? Sino ang may pagkukulang? O likas lang sa maraming Pinoy ang tamad magbanat ng buto? Di kaya umaasa na lang tayo sa ayuda?
Sinasabi sa survey ng Social Weather Station na isinagawa noong March 15-20,2025., nabatid na 27.2 percent ng respondents ang nakakaranas ng “involuntary hunger” o kulang ang kinakain sa nakalipas na unang tatlong buwan ng taong kasalukuyan… Ito na ang pinakamataas na “hunger rate” na naitala matapos ang COVID-19 lockdown na 30.7-percent noong September 20,2020.
Sa kabuuang 27.2 percent, 21-percent sa respondents ay dumaranas ng moderate hunger at 6.2-percent ay dumanas ng severe hunger o bihirang makakain ng tatlong beses sa isang araw.
Naitala sa Visayas ang maraming magugutom sa 33.7-percent, 28.3-percent sa Metro Manila.,27.3-percent sa Mindanao habang sa 24-porsiyento sa Luzon.
Iginiit ng IBON foundation na ang tumaas na bilang ng mga nagugutom na Pilipino ay patunay na hindi totoo ang ipinagyayabang ng administrasyong Marcos na umuunlad ang ekonomiya at lumalago ang job market sa Pilipinas.
Kapanalig, Paano mo titipirin ang average na 469-pesos na arawang minimum wage nation nationwide na napakababa sa 1,227-pesos na daily family living wage ng pamilyang may 5-miyembro? Napakataas ng cost of living sa alinmang panig ng bansa gayong sumasahod lamang ang isang manggagawa ng 469-pesos? At least Kapanalig, resilience ang mga Pilipino, sanay na sa tiis-tiis lang!
Ibinahagi ng Bangko Sentral ng Pilipinas na noong taong 2024.,- 20.1-milyong household o 74-percent ay mga low income at walang savings o ipon.. Kapanalig, paano ka hindi magugutom? mababa ang sinasahod habang 16-porsiyento naman ang itinaas ng presyo ng mga pagkain na dulot na mataas na inflation rate.
Napakarami ng programang inilunsad ang mga nagdaang administrasyon para mawakasan ang kahirapan sa bansa, pero ang lahat ay nabigo, hindi nagtagumpay…ang pinaka-latest Kapanalig ay ang “Ambisyon Natin 2040”. Mabibigo din sa bandang huli ang programang ito… Hanggat hindi natutugunan ng pamahalaan ang punot-dulo o dahilan ng “food insecurity” ay hindi maaalis ang cycle of poverty sa Pilipinas… Paano mo maaalis ang kagutuman kung mas pinapaboran mo ang mga negosyante kaysa manggagawa.. Mas OK sa gobyerno ang mag-import ng agri-products kaysa suportahan ang lokal na produksyon, ang kapakanan ng mga magsasaka at mangingisda? Hindi mareresolba ang problema sa kagutuman at kahirapan kung isinasantabi ng pamahalaan ang kapakanan ng napakaraming mahihirap. Hindi matutugunan ng laganap sa kasalukuyan na “ayuda system” ang kahirapan, tinuturuan nito ang mga mahihirap na umasa at maging tamad..Huwag nating i-asa sa ayuda ng mga pulitiko ang ating kinabukasan.
Kapanalig, ipinaalala sa atin ng “Matthew 19-21”: Jesus answered, “If you want to be perfect, go, sell your possessions and give to the poor, and you will have treasure in heaven. Then come, follow me.”
Sinasabi din sa “Proverbs 31:9 – All hard work brings a profit, but mere talk leads only to poverty.”
Matutugunan lamang ang kahirapan kung nagtutulungan ang lahat ng mga Pilipino.
Sumainyo ang Katotohanan.
