441 total views
Ipinanalangin ni Cotabato Archbishop Cardinal Quevedo ang mga mananampalataya at ang pagdaraos ng Catholic Educational Association of the Philippines National Convention 2018 upang patuloy na makamit sa buong bansa ang paghilom mula sa Panginoon.
Ipinaliwanag ni Cardinal Quevedo na sa ilalim ng tema ng pagtitipon ngayong taon na Sanctificatio: Brokenness to Blessedness, ay maraming pagsubok at paghihirap na pinagdaraan ang buong bansa.
Tinukoy ng Kardinal ang patuloy na pagtindi ng kahirapan sa bansa, ang paglaganap ng Extra-Judicial Killings, usapin ng kapayapaan at pag-unlad sa Mindanao.
“We pray that with the collaboration of the Church, the drug war can be conducted without its negative characteristics – Extrajudicial killings and secondly that the Church and the Government will colaborate also in the rehabilitation of lives, the lives of those affected by the drug menace. And thirdly, Church and government would collaborate also with peace and development not only in Mindanao but also in the country. And I think that Church is also doing its work already.” pahayag ni Cardinal Quevedo sa Radyo Veritas.
Tiniyak ni Cardinal Quevedo na aktibo ang Simbahan sa mga usaping panlipunan na ito kaya kinakailangan ang patuloy na pagsusulong nito upang sa huli ay makamit ng buong bansa ang paghihilom na mula sa pagpapala ng Diyos.
Kabilang sa mga tinatalakay ngayong taon sa concurrent sessions ng CEAP National Convention ang naturang usapin upang imulat sa mga bumubuo ng bawat paaralan sa nararapat na pagtugon.
Samantala, umaasa naman ang Pangulo ng CEAP na si Father Joel Tabora, SJ na maisasabuhay ng mga delegado ng CEAP ang temang “Brokenness to Blessedness”.
Sinabi ni Father Tabora na inaanyayahan ng Santo Papa ang bawat mananampalataya na mabuhay ng may kabanalan at bahagi na nito ang pagpapanatili ng maayos na pagpapatakbo sa mga katolikong paaralan.
Aminado si Father Tabora na nasa mahirap na kalagayan ngayon ang mga Catholic Schools matapos bumaba ng 86% ang bilang ng kanilang mga enrollees sa Higher Education Institutions (HEIs).
Batay sa pinagkumparang datos noong unang semester ng School Year 2015-2016 at unang semester ng School Year 2018-2019.
Ito ay bunsod ng implementaryon ng Universal Access to Quality Tertiary Education Act o R.A. 1093.
Bukod dito, marami din sa kanilang mga guro ang lumilipat na sa pampublikong paaralan.
“Our schools have very very many challenges today, challenges in keeping our teachers in the state policies, as it were pirating our Teachers, the skewed implementation of RA10931 were many many of our schools have lost their enrollment. It’s in this context that the Pope is saying look into the running of your schools no matter what the problems you have, no matter what the difficulties that you have, perhaps there is holiness in staying with it and continuing to fight for your schools and continuing to render the service that is so important to the Philippine Youth specially the Philippine Catholic youth.” Pahayag ng pari sa Radyo Veritas.
Sa kabila nito, positibo pa rin ang pananaw ni Father Tabora na magkakaroon ng maayos na implementasyon ang pamahalaan kung saan tanging napatunayang mahihirap at karapat-dapat na mag-aaral lamang ang mabibigyan ng libreng edukasyon sa ilalim ng R.A. 1093.
