3,920 total views
Inihayag ng opisyal ng Catholic Bishops’ Conference of the Philippines Episcopal Commission on Liturgy na nanahan sa bawat isa ang Banal na Espiritu upang gabayan sa paglalakbay sa buhay.
Ayon kay Capiz Archbishop Victor Bendico, chairman ng komisyon, ipinaalala sa mananampalataya sa Linggo ng Pentekostes ang kahalagahan ng Espiritu Santo bilang simbahang nagbubuklod sa paglalakbay.
“In our synodal journey, let us not forget that the Holy Spirit is with us. As a guide, he will show us the way and the truth,” pahayag ni Archbishop Bendico sa panayam ng Radio Veritas.
Sinabi ng arsobispo na may mga pagkakataong ipinakikita ng Banal na Espiritu ang kahinaan ng tao na lubhang nakakaapekto sa simbahan subalit ito ay paraan upang tuklasin ang mga hakbang na mapabuti ang simbahang nangangalaga sa pangangailangan ng kawan.
“With the light of the Holy Spirit, we shall see the ways we have deprive ourselves with true joy, the ways we have been selective in offering our peace, and the ways we have restrained the capacity of our hearts to love,” giit ng arsobispo.
Sa ika – 50 araw ng Muling Pagkabuhay ni Hesus at matapos ang kanyang pag-akyat sa langit ay bumaba ang Espiritu Santo sa mga apostol kasama ang Mahal na Birheng Maria.
Ito rin ang tinaguriang kaarawan ng simbahang katolika kung saan sa inspirasyon ng Espiritu Santo ay nangaral si San Pedro ang kauna-unahang Santo Papa sa mga Hudyo at non-believers na nagbunga ng pagbinyag sa humigit kumulang 3, 000 katao.
“Let us walk by the Spirit. Let us trust Him as we pray, “Send forth your Spirit, O Lord, and renew the face of the earth (Psalm: 104),” giit ni Archbishop Bendico.
