12,705 total views
Nagbabala ang Caritas Manila sa mga mapagsamantalang indibidwal at grupo na ginagamit ang pangalan ng social arm ng Archdiocese of Manila at iba pang personalidad upang makapangloko at makahingi ng pera sa mamamayan.
Ito ay matapos matanggap ng Caritas Manila ang sumbong hinggil sa paggamit ng isang Viber messaging application user sa pangalan ng artistang si Max Collins upang makapanghingi ng pera gamit ang mga materyal o larawan ng social arm.
Pinayuhan ng Caritas Manila na huwag maniniwala sa Viber User na maaring ginagamit ang iba pang social media platforms.
Inihayag ng Caritas Manila na ang nasabing scammer ay ginagamit ang pangalang ‘Ernst Luke’ sa viber sa mga numero bilang (09564808811).
“🗣️ It has come to our attention that someone is using the name of Kapuso actress, Ms. Max Collins, to scam people using our material for our current donation drive. Please beware of this person named Ernst Luke with Viber number: 09564808811,We advise the public to visit our official social media accounts and donate directly to Caritas Manila,” ayon sa mensahe ng Caritas Manila sa kanilang Official Facebook Page.
Paalala ng Caritas Manila na tanging ang pakikipag-ugnayan sa tanggapan tamang paraan upang makapagpadala ng donasyon na gagamitin bilang pondo sa mga programang nagpapakain, nagpapaaral, nagbibigay ng kabuhayan sa mga pinakamahihirap.
Kasabay ito ng paalala na tanging paniwalaan ang mga impormasyon hinggil sa pagpapadala ng donasyon na nagmumula sa Radio Veritas Caritas in Action Program, Caritas Manila Official Facebook Page sa @OfficialCaritasManila at iba pang social media platforms sa Instagram: @officialcaritasmanila, TikTok: @caritasmanila at YouTube: @CaritasManilaOfficial.
Sa datos ng Statista, umabot sa 14-libo ang bilang ng mga online scams ang natanggap ng ibat-ibang ahensya o kagawaran ng Pilipinas noong 2023
