Nagpahayag ng pagkundina ang Commission on Human Rights sa pagpaslang sa 9 na manggagawa sa tubuhan o SAKADA sa Sagay City, Negros Occidental.
Iginiit ni CHR Spokesperson Atty. Jacqueline Ann de Guia na hindi dapat ipagsawalang-bahala ang pagpaslang.
“The Commission on Human Rights condemns the killing of at least nine sugarcane farmers in Sagay City, Negros Occidental. It is most disturbing that death becomes the price of claiming one’s rights. This trend should not be allowed to continue anywhere and for any cause.” pahayag ni de Guia.
Ang buhay ay sagrado na dapat pinapahalagahan
Ito ang binibigyan diin sa Encyclical ni St. Pope John Paul the 2nd na Evangelium Vitae o The Gospel of Life.
Nakasaad sa ‘Encyclical” na hindi kailanman magiging katanggap-tanggap ang pagpaslang sa sinumang indibidwal.
Kaugnay nito, umaapela sa mga otoridad at pamahalaan ang CHR na bigyan ng katarungan ang pagpaslang at tugunan ang kalagayan at banta sa buhay ng mga manggagawa sa tubuhan.
Inihayag ni De Guia na magpapadala ang kumisyon ng fact-finding team upang magsagawa ng hiwalay na imbestigasyon sa naganap na insidente.
“We call on the Government to assure that justice will be served but, at the same time, address the plight of farmers with respect to agrarian reform. CHR Region VI, through its sub-office in Bacolod City, has already sent a fact-finding team to find out the truth in the incident towards ascertaining accountabilities.” Pagtiyak ni de Guia.
Sa inisyal na ulat, naghahapunan ang mga biktima na miyembro ng National Federation of Sugar Workers sa loob ng Hacienda Nene ng pagbabarilin ng sinasabing 40-armadong lalaki.
Matatandaan sa inilabas na Pastoral Statement ng Catholic Bishops’ Conference of the Philippines noong 2013, nanawagan ang Simbahan sa pamahalaan na maging seryoso sa pagpapatupad ng mga repormang agraryo tulad ng CARPER upang mabigyan ng katarungan, dignidad at tamang benepisyo ang mga magsasaka.
