1,848 total views
Inilunsad ngayong araw ang ecumenical group ng ‘People’s Impeachment Movement (P-I-M) na kalipunan ng mga katolikong Pari, Madre, Aglipayan at Kristyanong Pastor upang ipanawagan ang impeachment ni Vice-president Sara Duterte at hindi pagbibigay ng anumang kapangyarihan sa pamilyang Duterte.
Sa pamamagitan ng gawain ng ‘Sunog Sala Kontra A.B.O’ o Abusive Behaviours and Oppression na pagsusunog ng mga palaspas ay ginamit ito ng PIM bilang sumbolo upang sunugin ang ‘seven deadly sins’ na naisagawa ng pamilyang duterte sa lipunan.
Ayon kay Father Flavie Villanueva SVD na kasapi ng PIM, moral na obligasyon ng mga mambabatas sa senado ang mabilis na proseso ng impeachment ni Sara Duterte.
Ang People’s Impeachment’s Movement ay isang gawain na sinimulan ng mga pari, madre, layo at mga ecumenical movement, ganito ang paniniwala niya sapagkat naniniwala kami na ang usaping impeachment ay isang moral obligation, ginawa at inilunsad natin a day before ash wednesday ibig sabihn paanyaya na pagsisihan ang mga kasalanan, paanyaya for repentance for it is only thru authentic repentance recognizing ones fault, making amends for ones fault to achieve renewal and that is what our nations needs”
Iginiit ng grupo na labis-labis na ang sala ng pamilyang Duterte sa lipunan higit na ang madugong War on Drugs ni Dating Pangulong Rodrigo Duterte na naging dahilan ng malawakang extra judicial killings na ikinamattay ng libo hanggang tatlumpung dalawang libong kataong sangkot sa iligal na droga.
Nanawagan si Fr.Villanueva sa mga Pilipino, higit na sa mga mananamapalataya ang pagbubukas ng kanilang isipan at higit na pag-intindi sa mga kasalanan ng mga Duterte habang nasa kapangyarihan.
“Yung totoo, tapat na pagbabago mula sa puso konsensya at sa kawang gawa, this is the goal of the People’s Impeachments Movement beginning for the clamor of the senate particularly senator Chiz Ezcudero to convene the impeachment process of VP Sara,”
Kasama ni Father Villanueva sa paglulunsad ng PIM sina Father Joel Saballa ng Diocese of Novaliches, Father Bong Sarabia CM, Sister Evelyn Jose, Father Dionito Cabillas ng Iglesia Filipina Indipendiente, Pastor Leonard Arevalo at si Randy Delos Santos na tiyuhin ni Kian Delos Santos na isa sa mga biktimang kabataan ng madugong War on Drugs ng Administrasyong Duterte.
