194,381 total reads
Kapanalig, lumabas sa pag-aaral na ang nararanasang kahirapan sa Pilipinas ay dulot ng kawalan o kakulangan ng pera—Ito pala ay sanhi ng kung saan nakatuon ang kapangyarihan (POWER).
Isa sa pangunahing dahilan ng kahirapan? POLITICAL DYNASTIES- mga pamilyang may hawak sa kapangyarihan sa mga komunidad ng halos henerasyon na. Sila ang nakaupo sa iba’t-ibang posisyon sa lokal na pamaahalaan, kapag tapos na ang termino, ipapasa lang sa asawa, anak, apo at kamag-anakan.
Ang mga political dynasty na ito ay hindi lamang may kontrol sa pulitika.., sila ay mga may-ari ng negosyo na nagpapahirap sa mga mamamayan na kanilang pinaglilingkuran bilang public servant. Ika nga, ang political dynasty ay hindi lamang sintomas ng hindi pagkapantay-pantay… ito ay sistema na nagpapalaganap sa kahirapan.
Bakit binansagang “roving bandits” ang mga political dynasty? Dahil inuubos nila ang public resources., ang pera ng taumbayan.
Sa mga lalawigan lalu na sa Visayas at Mindanao., ang isang political dynasty ay karaniwang konektado sa “extractive industries” tulad ng pagmimina, illegal logging at quarrying. Malakihan ang kita sa ganitong negosyo pero hindi ito nagdudulot ng inclusive growth lalu na sa mga residente.
Bakit roving bandits? Sila ang mga opisyal ng pamahalaan na ginagamit ang pondo ng bayan para sa kanilang kapakinabangan. Ang mga lider na ito ay gumagawa ng mga kalsada hindi para i-konekta ang mga komunidad, kundi daanan para makarating sa kanilang pag-aaring mining sites.
Sinasabi sa pag-aaral na kung ang isang political dynasty ang nagma-may-ari ng mga negosyo sa isang munisipalidad at lalawigan… tiyak laganap at matindi ang kahirapan.
Sa isang maunlad na lugar tulad sa Luzon at NCR na matindi ang kompetisyon.., lumulutang pa rin ang political dynasty. Bakit? Dahil kayang-kaya ng isang political dynasty na dayain ang procurement process.. limitahan ang kompetisyon., gamitin ang pondo ng bayan para paboran ang mga pribadong mamumuhunan kapalit ng kickback. Kaya din nilang kontrolin ang labor., land conversions… siempre hawak nila kung paano tatakbo ang lokal na ekonomiya. Ang resulta Kapanalig, distorted economy.
Kapanalig, sinasabing namamayagpag sa 20-pikamahirap na lalawigan sa Pilipinas ang political dynasty. Ito ay ang Tawi-tawi., Basilan., Maguindanao., Davao Oriental., Zamboanga del Norte., Samar.,Eastern Samar., Sultan Kudarat., Dinagat island., Sarangani., Sorsogon-probinsiya ni dating Senate President Chiz Escudero.,Misamis Occidental.,Romblon.,Negros Oriental.,Bukidnon.,Northern Samar.,Camarines Sur., Zamboanga Zibugay.,Zamboanga del Sur.
Sa pag-aaral ng Philippine Center for Investigative Journalims(PCIJ)., 71-sa 82-provincial government sa bansa o 87-porsiyento ay pinamumunuan ng miyembro ng political dynasties.
Ang totoo, ipinagbabawal ng 1987 Philippine constitution ang pagkakaroon ng Political dynasties. Ngunit, matibay ang balakid., kailangang magkaroon ng enabling law upang maisakatuparan ito.Mahigit tatlong dekada nang bigo ang kongreso na maipasa ang anti-dynasty law. Paano maisasabatas ang anti-political dynasty law kung marami sa mga mambabatas sa kasalukuyan ay bahagi ng political dynasties?Kapanalig, mahirap baguhin ang mga rules., ang mga referee mismo ay mga manlalaro!
Kapanalig, sinasabi ng Compendium of the Social Doctrine of the Catholic Church, “the right to have a share of earthy goods sufficient for oneself and one’s family belongs to everyone”. Ang kayamanan at resources ng Pilipinas ay dapat ibinabahagi sa mamamayan at dapat ibinubulsa ng iilan lamang.
Sumainyo ang Katotohanan.
