Pontifical coronation ni Maria Ina ng Kapayapaan, isang biyaya at hindi karangalan

SHARE THE TRUTH

Send your Love Offering

SAVINGS ACCOUNT NAME

DZRV Radio Veritas Foundation, Inc.

  1. Metrobank Savings Account No.: 076-3-076270210
  2. Banco De Oro Savings Account No.: 001-630011876
  3. BPI Savings Account No.: 0213-3251-91
  4. PNB – Savings account No.: 105-910-013-091

 14,719 total reads

Iginiit ni Fr. Michael Balatbat, OFS, Parish Priest ng Maria, Ina ng Kapayapaan Parish sa Kasiglahan Village, Rodriguez, Rizal, na ang ipinagkaloob na Pontifical Coronation sa patrona ng parokya ay hindi simpleng karangalan kundi isang biyayang may kaakibat na pananagutan para sa buong sambayanan ng mga mananampalataya.
Sa kanyang ibinahaging mensahe sa social media page ng parokya, ipinaliwanag ng pari na ang pagkakaloob ng koronasyon ay tanda ng biyaya ng Diyos at hindi bunga ng anumang tagumpay o karangalan ng tao.

“Ang parangal na ito ay hindi natin nakamit, kundi biyayang kaloob ng Diyos. Ang Pontifical Coronation ni Maria, Ina ng Kapayapaan, ay hindi tropeo; hindi tayo nakikipagkompetensiya, ito ay biyayang ipinagkatiwala sa atin,” pahayag ni Fr. Balatbat.
Ayon sa pari, kinikilala ng Simbahan ang malalim na pananampalataya ng komunidad na, sa kabila ng mga pagsubok at paghihirap, ay nanatiling tapat sa debosyon kay Maria, Ina ng Kapayapaan.

“Ang koronasyong ito ay tahimik na pagpapahayag ng langit: Nakita ng Diyos ang inyong pagtitiis. Narinig Niya ang inyong mga panalangin,” dagdag pa ng pari.
Binigyang-diin ni Fr. Balatbat na ang pagkakapili sa Kasiglahan Village bilang tahanan ng isang imaheng pararangalan sa Pontifical Coronation ay nagpapakita na ang Diyos ay kumikilos maging sa mga payak na pamayanan.

“Sa pagpili ng Papa sa Kasiglahan Village, ipinapahayag ng Simbahan sa buong mundo: ang Diyos at ang Kanyang Ina ay hindi lamang nananahan sa malalaking basilika o mas nakatatandang parokya, kundi naroroon din sa mga mapagkumbabang komunidad tulad natin,” ani ng pari.
Binigyang-diin pa nito na ang biyayang natanggap ng parokya ay hindi dapat manatili bilang isang pagdiriwang lamang kundi maging inspirasyon sa pang-araw-araw na pamumuhay ng mga deboto.

“Tayo ngayon ay tinatawag hindi lamang na tumanggap ng biyaya, kundi maging saksi nito,” ayon kay Fr. Balatbat.
Hinimok din nito ang mga mananampalataya na isabuhay ang mensahe ng kanilang patrona sa pamamagitan ng pagpapalaganap ng pagkakaisa at pagkakasundo.

Kasabay nito, inanyayahan ni Fr. Balatbat ang mga deboto na maghanda sa pamamagitan ng panalangin, pagbabalik-loob, at aktibong pakikibahagi sa paghahanda para sa Pontifical Coronation ng Maria, Ina ng Kapayapaan, na nakatakdang isasagawa sa February 22, 2027.

Nagpasalamat din ang pari kay Antipolo Bishop Ruperto Santos sa pagtitiwala at rekomendasyon nito sa Santo Papa para sa Pontifical Coronation, gayundin kay Pope Leo XIV sa paghirang kay Maria, Ina ng Kapayapaan, na tatanggap sa pinakamataas na pagkilala sa imahe ng Mahal na Birheng Maria

BE OUR PARTNERS

THIS PORTION IS BROUGHT YOU BY

ADVOCATE

Radyo Veritas Advocacy Category by Author

Veritas Editorial

Picture of Rev. Fr. Anton CT Pascual

Rev. Fr. Anton CT Pascual

Special treatment?

 17,844 total reads

 17,844 total reads Mga Kapanalig, isa si dating House Speaker at Leyte Representative Martin Romualdez sa mga sinasabing pangunahing personalidad na sangkot sa flood control scandal

Read More »

Bayan bago banyaga

 103,249 total reads

 103,249 total reads Mga Kapanalig, nagsimula na ang 49th ASEAN Summit sa Pilipinas. Malinis na mga kalsada, maayos na paligid, at maaliwalas na tanawin ang sumalubong

Read More »

Magparehistro na para makaboto sa 2028!

 167,092 total reads

 167,092 total reads Mga Kapanalig, pwede nang magparehistro ang mga botante para sa 2028 national at local elections hanggang sa ika-30 ng Hulyo, 2027. Maaaring magparehistro

Read More »

FILIPINO’s RUNNING OUT OF PATIENCE

 255,177 total reads

 255,177 total reads Kapanalig, hindi makakausad ang bansa kung ang mga mamamayan nito ay hirap na hirap maka-survive, habang ang mga inaasahang lider na pinagkakatiwalaang mamuno

Read More »

SCRIPTED NONSENSE

 337,350 total reads

 337,350 total reads Kapanalig, ano ang napapansin niyo sa pagpapatuloy ng impeachment trial ni Vice President Sara Duterte? Sa simula pa lamang ng impeachment trial, pinapalutang

Read More »

Watch Live

RELATED ARTICLES

Scroll to Top