Ipinapalangin ng tagapangulo ng Catholic Bishops’ Conference of the Philippines (CBCP) – Episcopal Commission on Pontificio Collegio Filippino na mapasailalim sa pangangalaga at mapagpagaling na mga kamay ng Diyos ang Kanyang Kabanalan Francisco na naospital dahil sa respiratory infection.
Bukod sa pananalangin para sa mabilis na paggaling ni Pope Francis ay partikular ding ipinapanalangin ni Antipolo Bishop Ruperto Santos ang bawat miyembro ng medical team na nangangasiwa sa kalagayan at kalusugan ng Santo Papa matapos na maospital sa Agostino Gemelli Polyclinic sa Roma noong February 14, 2025.
Nawa ayon kay Bishop Santos ay kalooban ng Panginoon ng kalakasan ng kaisipan at kagalingan ang lahat ng mga nangangalaga sa kalusugan ng Santo Papa upang mabilis na mapabuti ang kalagayan ng punong pastol ng Simbahan.
“Heavenly Father and merciful God, we come before You with hearts full of gratitude for the gift of Pope Francis, Your faithful servant and shepherd. In this time of his illness, we ask for Your healing touch to be upon him. We pray that You grant him strength and peace as he rests and recovers from this affliction. Lord, guide the hands and minds of the medical team caring for him. Fill them with Your wisdom and skill so that they may bring him comfort and restore his health. Surround Pope Francis with Your divine light, providing him solace and the assurance of Your presence.” Bahagi ng panalangin ni Bishop Santos sa Radyo Veritas.
Hinihiling din ni Bishop Santos na siya ring Bishop Promoter ng Stella Maris Philippines ang pagbibigay ng Panginoon ng patuloy na kalakasan kay Pope Francis upang kanyang maipagpatuloy ang paglilingkod bilang pastol sa kawan ng Diyos.
“May Your grace uplift him in moments of weakness, and may Your love be a constant source of hope and encouragement. As he continues to serve You and Your people, we ask that You restore him to full health, so he may continue to lead with compassion and wisdom” Dagdag pa ni Bishop Santos.
Sa isinapublikong impormasyon ng Holy See Press Office, dinala ang 88-taong gulang na Santo Papa sa Agostino Gemelli Polyclinic sa Roma upang masuri at maipagpatuloy ang gamutan matapos na makaranas ng bronchitis.
Pagbabahagi ng Vatican, kinakailangan pang dumaan ni Pope Francis sa ilan pang mga serye ng diagnostic tests upang matiyak ang kanyang kalusugan at pangangatawan.
Ang Pontificio Collegio Filippino na nagsisilbing ‘Home in Rome’ ng mga Pilipinong pari na nag-aaral sa mga unibersidad sa Roma ay itinatag noong 1961 sa pamamagitan ni Pope John XXIII na umaasa sa higit na paglago ng karunungan ng mga lingkod ng Simbahan na makatutulong sa pagpapastol ng Simbahan sa Pilipinas.
