1,292 total views
Biyernes ng Ika-33 Linggo sa Karaniwang Panahon (II)
o kayaย Paggunita sa Pagtatalaga sa mga Palasyong Simbahan nina Apostol San Pedro at San Pablo sa Roma
Pahayag 10, 8-11
Salmo 118, 14. 24. 72. 103. 111. 131
O kay tamis na namnamin
ang utos mong bigay sa โmin.
Lucas 19, 45-48
Friday of the Thirty-third Week in Ordinary Timeย (Green)
UNANG PAGBASA
Pahayag 10, 8-11
Pagbasa mula sa aklat ng Pahayag
Akoโy si Juan, nangusap sa akin ang tinig na narinig kong nagsasalita mula sa langit, โLumapit ka sa anghel na nakatuntong sa dagat at sa lupa at kunin mo ang hawak niyang kasulatang nakabukas.โ Nilapitan ko ang anghel at hiningi ang kasulatan. Ang wika niya sa akin, โKunin moโt kanin ito; mapait iyan sa sikmura ngunit sa bibig moโy sintamis ng pulot-pukyutan.โ Inabot ko at kinain ang maliit na kasulatan. Matamis ngang tulad ng pulot-pukyutan, ngunit nang malunok ko naโy pumait ang aking sikmura.
At sinabi niya sa akin, โKailangang ipahayag mong muli ang mga hula tungkol sa ibaโt ibang mga tao, bansa, wika, ay mga hari.โ
Ang Salita ng Diyos.
SALMONG TUGUNAN
Salmo 118, 14. 24. 72. 103. 111. 131
O kay tamis na namnamin
ang utos mong bigay sa โmin.
Nagagalak na susundin yaong iyong kautusan,
higit pa sa pagkagalak na dulat na kayamanan.
O kay tamis na namnamin
ang utos mong bigay sa โmin.
Ang buo mong kautusan sa akin ay umaaliw,
siyang gurong nagpapayo sa lahat kong suliranin.
O kay tamis na namnamin
ang utos mong bigay sa โmin.
Higit pa sa gintoโt pilak nitong buong sanlibutan,
ang mabuting idudulot ng bigay mong kautusan.
O kay tamis na namnamin
ang utos mong bigay sa โmin.
O kay tamis na namnamin ang utos mong ibinigay,
matamis pa kaysa pulot yaong lasang tinataglay.
O kay tamis na namnamin
ang utos mong bigay sa โmin.
Halos humihingal ako dahilan sa kasabikan,
na matamo yaong aking minimithing kautusan.
O kay tamis na namnamin
ang utos mong bigay sa โmin.
ALELUYA
Juan 10, 27
Aleluya! Aleluya!
Ang tinig koโy pakikinggan
ng kabilang sa โking kawan.
akoโy kanilang susundan
Aleluya! Aleluya!
MABUTING BALITA
Lucas 19, 45-48
Ang Mabuting Balita ng Panginoon ayon kay San Lucas
Noong panahong iyon, pumasok si Hesus sa templo at kanyang ipinagtabuyan ang mga nagtitinda. Sinabi niya sa mga ito, โNasusulat: โAng aking bahay ay tatawaging bahay-dalanginan.โ Ngunit ginawa ninyong โpugad ng mga magnanakaw.โโ
Araw-araw, si Hesus ay nagtuturo sa loob ng templo. Pinagsikapan ng mga punong saserdote, ng mga eskriba, at ng mga pangunahin ng bayan ng siyaโy ipapatay. Subalit wala silang makitang paraan upang maisagawa ito, sapagkat taimtim na nakikinig sa kanya ang buong bayan.
Ang Mabuting Balita ng Panginoon.
PANALANGIN NG BAYAN
Ika-33 Linggo sa Karaniwang Panahon
Biyernes
Sapat ang utos ng Panginoon, subalit nag-uumapaw ang kanyang awa. Manalanagin tayo sa Ama nang buong pananalig sa kanyang karunungan.
Panginoon, dinggin mo ang aming panalangin.
o kaya
Ama, panatilihin mo kami sa iyong pamamaraan.
Ang Simbahang Katolika nawaโy akayin ang kanyang mga miyembro sa daan ng katwiran at higit silang ilapit sa pag-ibig ng Diyos, manalangin tayo sa Panginoon.
Tayo nawaโy matutong tumalikod sa kasalanan nang buong puso, habang nananatiling masunurin sa batas ng Diyos, manalangin tayo sa Panginoon.
Ang mga hindi pa sumasampalataya nawaโy makinig sa Salita ng Diyos at maakay sila sa kaligtasang walang hanggan, manalangin tayo sa Panginoon.
Ang mga maysakit, matatanda, nalulumbay at lahat ng nagdurusa nawaโy huwag nating kaligtaang lingapin, manalangin tayo sa Panginoon.
Ang mga tapat na yumao nawaโy lumigaya sa buhay na walang hanggan, manalangin tayo sa Panginoon.
Ama naming nasa Langit, sinusuri mo ang puso ng bawat isa at alam mo ang mga nilalaman nito. Palakasin mo ang aming puso upang sumamba kami nang tunay at buong pusong makapaglingkod sa kapwa ang aming mga kamay sa pamamagitan ni Kristong aming Panginoon. Amen.
