158,264 total views
Sa nabunyag na “endemic corruption” sa flood control projects ng pamahalaan na tumagos sa kaibuturan ng puso at isip ng mga Pilipino. Ang galit ng mamamayang Pilipino mula sa iba’t-ibang larangan at sektor ang dahilan upang magprotesta sa lansangan na naging simula ng “TRILLION PESO MARCH” sa iba’t-ibang bahagi ng bansa.
Sa bawat congressional hearing, mayroong bagong rebelasyon, lumilitaw na ang sistema ay nababalot na ng matinding korapsyon, ang lahat ng estado ay nababahiran na ng katiwalian.
Sa nabunyag na sistematikong katiwalian, ang mga Pilipino ang talo. Talunan ang mga Pilipino na pinagnakawan ng mga serbisyo na karapat-dapat nating tinatamasa. Kararampot lang na pondo ang nagastos sa mga flood control project, ang natitirang tax payer’s money ay napunta sa bulsa ng mga mambabatas at opisyal ng pamahalaan.
Talunan na naman tayong mga Pilipino, sa mata ng buong mundo tayong mga Pilipino ay hindi mapagkakatiwalaan. Sa Pilipinas talamak ang katiwalian, nakakalat ang mga buwaya. Paano tayo makaka-attract ng mga dayuhang mamumuhan kung saan man sulok ng bansa ay mayroong umaaligid na buwaya?
Ang kawalanghiyaang ito ay sampal sa ating mga matitinong Pilipino at mga honest na servant leader. Dahil dito, naglaho ang hinahangad nating pag-usad ng ating ekonomiya na sinasabing magbibigay ng Magandang buhay sa ating mga Pilipino.
Ano ang nararapat nating gawin mga Kapanalig? Maibabangon pa nating mga Pilipino ang ating puri, ang ating dangal na niyurakan ng mga buwaya nating opisyal ng pamahalaan?
Hindi pa huli ang lahat Kapanalig, hindi pa tayo tuluyang nagugupo ng korapsyon. Harinawa, hindi lang naka-focus ang ating pag-asa sa binuong Independent Commission on Infrastructure. Kailangang kumilos ang ating law enforcement agency, ang Department of Justice, ang Office of the Ombudsman upang makabuo ng isang matibay na kaso laban sa mga sangkot sa katiwalian., mapakulong at mapanagot sa batas ang mga ganid sa kaban ng bayan.
Upang makabangon tayong mga Pilipino sa hagupit ng “floodgates scandal”, nanindigan ang opisyal ng Catholic Bishops’ Conference of the Philippines sa Kongreso, sa DOJ na huwag baluktutin ang batas para sa kapakanan ng iilan sa halip ay palakasin ito at ganap na ipatupad upang mapanatiling protektado ang mamamayang Pilipino. Nagbabala ang opisyal ng simbahan sa pagkilos na gawing state witness ang mag-asawang Discaya at iba pang akusado.
Naninindigan si Rev.Father Jerome Secillano na “To another Senator, Restitution may not be a legal condition for deciding who should be a state witness, but the Discaya’s involvement in this corrupt scheme doesn’t point to them as the least guilty. Even if there may be a necessity for the testimony of the Discayas in this corruption issue, it may not be an ABSOLUTE NECESSITY since the testimonies of the other culprits involved have so far been direct and have been corroborated by material evidences like documents, photos, text messages and places.”
Sinasabi ng “ISAIAH 1:23:“Your rulers are rebels, companions of thieves; they all love bribes and chase after gifts. They do not defend the cause of the fatherless; the widow’s case does not come before them.” –
Sumainyo ang Katotohanan.
