5,238 total reads
Pinahintulutan ng Vatican ang pontifical coronation sa imahe ng Mahal na Birhen ng Fatima sa Urduja, Caloocan City.
Ayon sa anunsyo ng Diocese of Novaliches, ang pahintulot ay ipinagkaloob sa pamamagitan ng Dicastery for Divine Worship and the Discipline of the Sacraments bilang pagkilala sa malalim at matagal nang debosyon ng mga Pilipino sa Mahal na Birhen, na kilala bilang Pueblo Amante de María.
“This sacred recognition affirms the deep faith and enduring devotion of the faithful, as well as the countless graces received through the loving intercession of the Blessed Mother.”
Nagpasalamat naman si Diocesan Shrine and Parish of Our Lady of Fatima rector at parish priest Fr. Aristeo de Leon sa pagkakaloob ng naturang pahintulot para sa koronasyon ng imahe na tinaguriang Queen and Mother of North Caloocan.
Matatandaang noong 2023, idineklara bilang diocesan shrine ang parokya kasabay ng ika-50 anibersaryo ng pagkakatatag nito.
Kaugnay nito, tiniyak ng pari ang patuloy na pagpapalakas ng mga programang magpapalalim sa pananampalataya at hinikayat ang mga mananampalataya na dumalaw sa dambana bilang bahagi ng kanilang pilgrimage.
