53,230 total reads
Nakakapanlumo ang katotohanan, napakasakit Kapanalig.
Sa legislative inquiry in-aid-for legislation ng Senado at Mababang Kapulungan ng Kongreso sa sistematikong katiwalian at collusion sa multi-bilyong pisong flood control projects ng pamahalaan., ating nasaksihan ang bundle bundle na pera mula sa mga kontraktor para sa payola ng mga opisyal ng DPWH, mga kongresista at Senador. Nakakalulang karangyaan, walang kahirap-hirap na pagkamal ng salapi mula sa pondo ng bayan.
Pero sa reyalidad, marami ang walang makain, marami ang lumalangoy sa baha at nagbubuwis ng buhay sa tuwing umuulan dahil naibulsa na ang pera na dapat sana’y gamitin na pangharang sa tubig baha.
Ang masaklap Kapanalig, lalung dumami ang walang trabaho, mga tambay., mga palamunin na Pilipino.
Sa inilabas na datos ng Philippine Statistic Authority (PSA) pumalo sa 5.3-porsiyento ang unemployment sa Pilipinas sa nakaraang July 2025 mula sa 4.7-percent noong July 2024.
Ito na ang naitalang pinakamataas na unemployment rate mula July 2022 sa kasagsagan ng COVID-19 pandemic.
Sinasabi na 2.59-milyong Pilipino ang walang trabaho noong July 2025, tumaas ito sa 2.38 milyong noong July 2024.
Ayon sa PSA, bumaba ang labor force participation rate (LFPR) noong July 2025 sa 60.7-percent o katumbas ng 48.64 milyong Pilipino na may edad 15-pataas ang may trabaho mula sa 50.06-milyon noong July 2024.
Tumaas din ang underemployment rate sa 14.8-porsiyento noong July 2025 mula sa 12.1-percent noong nakaraang taong 2024.
Ang services sector ang may pinakamaraming employment na naitala sa 62.8-percent., sinundan ng industry na 18.7-percent habang 18.5-percent sa agriculture sector.
Sinasabi ng PSA Kapanalig, ang mataas na unemployment rate ay dahil daw sa sunod-sunod na sama ng panahon kaya marami ang nawalan ng trabaho lalu sa sektor ng agrikultura.
Kapanalig, kung hindi lamang napupunta sa katiwalian ang pondo ng bayan, magagamit sana ito sa paglikha ng maraming trabaho sa mga Pilipino na hindi na kailangan pang mangibang bayan. Para sa kapakanan ng mga manggagawa, nararapat lumikha ang pamahalaan ng mga batas at polisiya sa malinis na pamamahala sa kaban ng bayan na hindi mapupunta sa korapsyon.
Iginiit ni Pope Leo XIII sa kanyang encyclical na RERUM NOVARUM na “The role of the State in protecting workers’ rights: it is the responsibility of the State to guarantee that workers’ rights are protected and that working conditions are fair.
Sa kanyang encyclical na Laborem Exercens, binigyan diin ni St.Paul John II na “in order to solve the problem of unemployment, these agents “must make provision for overall planning.” This “cannot mean one-sided centralization by the public authorities. Instead, what is in question is a just and rational coordination, within the framework of which the initiative of individuals … must be safeguarded.”
Sumainyo ang Katotohanan.
