2,573 total reads
Idineklara ni Pangulong Ferdinand R. Marcos Jr. ang pambansang pagluluksa kaugnay sa pagpanaw ni Pope Francis noong April 21, sa edad na 88.
Ayon sa Proclamation No. 871, ang pambansang watawat ay ibababa sa half-mast sa lahat ng tanggapan ng pamahalaan sa loob at labas ng bansa hanggang sa araw ng kanyang libing.
Si Pope Francis, ipinanganak bilang Jorge Mario Bergoglio, ay nagsilbing ika-266 na Santo Papa ng Simbahang Katolika mula Marso 13, 2013. Siya ang unang Heswita, unang Latin American na Santo Papa sa loob ng mahigit 1,200 taon.
“Pope Francis holds a special place in the hearts of the Filipino people, particularly for his Apostolic Visit to the Philippines in January 2015, where he offered comfort and solidarity to victims of Typhoon Yolanda, and celebrated the resilience of the Filipino faithful despite adversities.”
“The passing of Pope Francis is a moment of profound sorrow for the Catholic Church and for the Filipino people, who recognize him as a global leader of compassion and a tireless advocate for peace, justice, and human dignity.”
Noong Enero 2015, bumisita si Pope Francis sa Pilipinas at personal na nakiramay sa mga biktima ng Bagyong Yolanda. Sa kanyang misa sa Quirino Grandstand na dinaluhan ng milyon-milyong deboto, pinuri niya ang katatagan at pananampalataya ng sambayanang Pilipino sa gitna ng trahedya.
Si Pope Francis ay naging simbolo ng kababaang-loob, pagkakapantay-pantay, at kapayapaan. “He stood for the poor, for justice, for dialogue, and for peace,” ani Pangulong Marcos.
Sa kanyang pamumuno sa Simbahang Katolika, pinagbuklod niya ang higit sa 1.3 bilyong Katoliko sa buong mundo, kabilang ang milyun-milyong Pilipino na tumanggap ng kanyang mensahe ng pag-asa at pagkakaisa.
“His legacy of love will remain with us forever,” dagdag ni Marcos. “We join the world in mourning, and we offer our prayers for his eternal peace.”
