423 total reads
Kakapusan sa tao at sa budget ang itinuturong dahilan ni Department of Interior and Local Government Under Secretary on Public Safety Jesus Hinlo, na hadlang sa mas epektibong pagtugon ng pamahalaan sa mga emergency calls na natatanggap ng 911 Hotline.
Ayon kay USec Hinlo, kinakailangan pa ng maraming staff ng programang 911 upang mas mapaigting ang programa ng pamahalaan para sa public safety.
Binigyan diin rin nito na mainam rin kung madaragdagan ang budget para sa pagpapalawak ng kanilang programa at para sa mas epektibong implementasyon.
“We need more staff, sa dating Patrol 117 program, there are only 15 call center seats handling calls from all over the country so talagang kulang na kulang yung 15, so effective August 1 ginawa na natin yang 30 and the coming days supposed to be August 15 sana maging 45 na yan but I was informed that there will be a little delay so in the coming days, yung from 30 magiging 45. Now, we really need more agents, but yung sitwasyon naming dito, this is a new program, hindi pa po nabigyan ng additional budget for 2016 so we have to look for funds to have an additional budget for the purpose of getting more call center agents,” Pahayag ni USec. Hinlo sa Radyo Veritas.
Simula August 1 hanggang August 15, nakatanggap na ang 911 Hotline ng 309, 137 calls kung saan 54, 731 dito ay prank calls, 117, 328 ang abandoned calls o mga hindi nasagot na tawag dahil sa matagal na paghihintay sa linya ng mga tumatawag at 4,966 naman ang naitalang emergency calls.
Ayon kay USec. Hinlo, mas marami pa ang matutugunan ng 911 hotline kung titigil na ang mga prank callers at madadagdagan din ang mga call center agents na sasagot sa tawag ng mga tunay na nangangailangan.
