21,252 total reads
Nagpapasalamat ang bumubuo ng Signis Asia sa kakatapos na Signis Asia Assembly na ginanap ngayong taon sa Pilipinas.
Ayon kay Archdiocese of Delhi, India Father Stanley Kozhichira – Pangulo ng Signis Asia, nabuo at napatatag sa limang araw na pagtitipon ang pagtutulungan ng mga catholic communicators upang higit na mapalaganap ang pananampalataya.
Tiwala ang Pari na sa pamamagitan ng pagtitipon ay higit na mapapatibay ang mga programa, pamamaraan at higit na pagpapalaganap ng mga katolikong pamamahayag.
Tampok sa Signis Asia General Assembly ang mga dayalogo, talumpati, paksa at aktibidad na hinasa ang kakakahayan ng mga catholic communicators sa larangan ng radyo, telebisyon, online at multi-media.
81-kinatawan ng ibat-ibang bansang kasapi ng Signis Asia ang nakiisa sa General Assembly na bukod sa mga dayalogo ay nagsimula sa pagbisita sa mga pilgrimage sites ng Maynila, Cavite at Laguna.
Sa huling araw ay inialay ang misa sa Cathedral Parish of Saint Paul the first Hermit o San Pablo Cathedral sa pangunguna ni San Pablo Bishop Marcelino Antonio Maralit Jr – Chairperson ng Federation of Asian Bishops Conferences Office of Social Communication.
