Facebook-f Twitter Instagram Youtube

Mahalagang papel ng mga kabataan sa simbahan, kinilala ni Cebu Archbishop Uy

Picture of Norman Dequia

Norman Dequia

SHARE THE TRUTH

Send your Love Offering

SAVINGS ACCOUNT NAME

DZRV Radio Veritas Foundation, Inc.

  1. Metrobank Savings Account No.: 076-3-076270210
  2. Banco De Oro Savings Account No.: 001-630011876
  3. BPI Savings Account No.: 0213-3251-91
  4. PNB – Savings account No.: 105-910-013-091

 47,099 total views

Kinilala ni Cebu Archbishop Alberto Uy ang mahalagang papel ng mga kabataan sa Simbahang Katolika.

Sa katatapos na 2-day National Youth Conference ng CHARIS Philippines, pinuri ng arsobispo ang pagtitipon bilang paraan upang higit na mapatatag ang pananampalataya ng mga kabataan at mahubog ang kanilang pagkatao.

“Young people are special in the heart of God. This kind of gathering reminds them to stay with God and be active in the Church so that their faith will not only be nourished but strengthened,” pahayag ni Archbishop Uy sa Radyo Veritas.

Ayon sa arsobispo, napakahalaga ng ganitong mga gawain na nagbubuklod sa mga kabataan lalo na sa panahong humaharap sila sa maraming hamon ng lipunan.

Binanggit ng arsobispo ang mga usaping nakakaapekto sa kabataan gaya ng mental health concerns, depression, suicide, at ang paglaganap ng fake news at bashing sa social media na maaaring makasira sa kanilang pananampalataya at pagkatao.

“We need gatherings like this for our young people to help them develop stronger faith in God and a stronger belief in themselves,” dagdag pa ng arsobispo.

Samantala, sinabi ni Fe Barino, national coordinator ng CHARIS Philippines, na paiigtingin ng mga charismatic groups sa bansa ang mga programa para sa pagpapalalim ng pananampalataya, bilang paghahanda ng Simbahan sa Global 2033 Evangelization.

“We are now starting to mobilize evangelizers, as the Commission on Evangelization has asked the charismatic renewal to be at the forefront of the Global 2033 in the Philippines. We trust in the Holy Spirit, who is working with us to help this mission,” pahayag ni Barino sa Radyo Veritas.

Ang Global 2033 ay isang pandaigdigang misyon ng Simbahang Katolika na naglalayong paghandaan ang ika-2,000 anibersaryo ng Pagkabuhay ni Hesukristo.

Layunin nitong hikayatin ang bawat binyagan na maging aktibong tagapagpahayag ng Ebanghelyo sa pamamagitan ng panalangin, malasakit, at pagbabahagi ng pananampalataya.

Batay sa datos ng CHARIS Philippines, mahigit 800 kabataan mula sa 40 diyosesis sa buong bansa ang lumahok sa unang National Youth Conference, na may temang “Shine Jesus Shine” hango sa Ebanghelyo ni San Mateo 5:16.

66 percent ng mga Pilipino, walang sinusuportahang kandidato sa 2028 national elections

Reyn Letran - Ibañez Thursday, July 23, 2026 6:28 pm

 4,850 total views

Opisyal na inihayag ng Momentum Research na isang next-generation public opinion research firm ang kauna-unahang National Momentum Survey nito kaugnay sa mga pananaw at saloobin ng mga Pilipino hinggil sa mga pangunahing isyung pambansa.

Kabilang sa mga tinalakay ang impeachment trial ni Vice President Sara Duterte, ang nakatakdang ika-limang State of the Nation Address ni Pangulong Marcos, at ang pre-election preferences para sa 2028 National Elections.

Batay sa resulta ng National Momentum Survey para sa General Pastisanship lumabas na 66.6 na porsyento ang independent o walang sinusuportahan; 16.7% ang suportado sa administrasyon; 13% sa oposisyon; 2.4% ang hindi alam o sigurado; at 1.2% naman ang tumangging sumagot.

Sa Factional Partisanship naman, lumabas na 45% ang independent o walang sinusuportahan; 28.9% ang taga-suporta ng mga Duterte at kaalyado; 12.4% ang oposisyon; at 11% naman ang taga-suporta ng mga Marcos at mga kaalyado nito.

Samantala, sa usapin naman ng kamalayan sa nagaganap na Impeachment Trial laban kay Vice President Sara Duterte, lumabas na 55.5% ang nabalitaan ang impeachment ngunit hindi gaanong nasubaybayan; 29.1% ang hindi nabalitaan ang impeachment; 12.6% ang nabalitaan at nasubaybayan; at 0.1% naman ang hindi alam o hindi sigurado.
Sa datos na ito pinakamarami ang sumusubaybay sa impeachment trial ng bise president sa metro Manila sunundan ng rest of Luzon, Mindanao at Visayas.

Kabilang din sa mga sinuri ang pananaw ng taumbayan kung dapat bang humarap si Vice President Duterte sa Impeachment Court kung saan lumabas na 44.3% ang naniniwalang lubos na mahalaga ang pagharap ng bise presidente sa pagdinig; 39% ang mahalaga; habang 13.6% naman ang hindi mahalaga.

Kaugnay naman sa pinaka-kapanipaniwalang paratang o article of impeachment laban kay VP Sara, lumabas na 24.2% ang maanomalyang paggamit ng confidential fund; 16.2% ang tangkang pagpatay sa pangulo at iba pa; 11% ang hindi maipaliwanag na yaman; 9.6% ang panunuhol sa mga kawani ng DEPED.

Lumabas rin sa pagsusuri na 36.6% ang nagtitiwala sa Senado bilang Impeachment Court; 35.5% ang hindi nagtitiwala; 12.7% ang lubos na nagtitiwala; 8.5% naman ang hindi alam o hindi sigurado.

Samantala, kaugnay naman sa mga usapin o suliranin na dapat na tutukan sa lipunan lumabas sa pagsusuri na nangunguna sa mga dapat na tutukang usapin ang korapsyon partikular na ang flood control scandal na nakakuha ng 42.6%; sinundan ng trabaho at pangkabuhayan sa 27.9%; presyo ng mga bilihin o inflation sa 23.5%; kahirapan o poverty sa 13.3%; health care sa 12.7%; 11% naman sa edukasyon; 9.8% sa illegal na droga; 8.3% sa agrikultura at food security; 6.5% sa impeachment ng bise president; 5.6% sa presyo ng produktong petrolyo; 5.2% sa peace and order at kriminalidad; at 1.3% sa pabahay.

Ayon sa organisasyon, layunin ng survey na matiyak na maririnig ang boses ng bawat Pilipino habang tinatahak ng bansa ang isang “unprecedented path” sa gitna ng mahahalagang usaping pampulitika.

Cardinal Advincula, nagpaabot ng pagbati sa Radyo Veritas 846

Reyn Letran - Ibañez Thursday, July 23, 2026 4:25 pm

 5,162 total views

Nagpaabot ng pagbati si Manila Archbishop Jose Cardinal Advincula, Chairman of the Board ng Radio Veritas Global Broadcasting Inc., sa parangal na tinanggap ng himpilan ng Radyo Veritas mula sa kauna-unahang FAMAS Broadcast Arts Awards 2026 para sa programa nitong Healing Mass sa Veritas na kinilala bilang Best AM Radio Program.

Sa kanyang mensahe, ipinahayag ng Cardinal ang kanyang pagbati sa pamunuan ng Radyo Veritas sa pangunguna ni Rev. Fr. Roy Bellen na pangulo ng himpilan at sa lahat ng bumubuo sa programa.

“Congratulations to Radyo Veritas, Fr. Roy company for receiving this award from FAMAS,” Bahagi ng pahayag ni Cardinal Advincula sa Radyo Veritas.

Hinimok naman ng Cardinal ang lahat ng kawani ng Radyo Veritas na ipagpatuloy ang paglilingkod sa pamamagitan ng pagpapalaganap ng Mabuting Balita, lalo na sa mga Kapanalig na patuloy na umaasa sa himpilan para sa espiritwal na gabay at pag-asa.

“And I would like to ask the ones involve this award, the Radyo Veritas, to continue working specially to be able to broadcast the Gospel message especially to our Kapanalig. Maraming salamat po,” Dagdag pa ng Cardinal Advincula.

Ang Healing Mass sa Veritas ay kinilala bilang Best AM Radio Program sa unang FAMAS Broadcast Arts Awards, isang pagkilala sa mahalagang papel ng programa sa paghahatid ng panalangin, pag-asa, at mensahe ng Ebanghelyo sa mga Pilipino sa pamamagitan ng radyo.

Inaanyayahan naman ng pamunuan ng himpilan ang mga tagasubaybay ng Radyo Veritas na personal na makiisa sa Healing Mass sa Veritas sa Radio Veritas Chapel na ginaganap araw-araw tuwing alas-6 ng umaga, alas-12 ng tanghali, alas-6 ng gabi, at alas-12 ng hatinggabi.

Para sa pamunuan ng Radyo Veritas, ang parangal ay nagsisilbing inspirasyon upang lalo pang paigtingin ang misyon ng himpilan sa pagiging tinig ng Simbahan at tagapaghatid ng katotohanan sa sambayanang Pilipino.

Matatag na relasyon, pinatibay ng Australia at DLSU

Jerry Maya Figarola Thursday, July 23, 2026 3:46 pm

 4,717 total views

Pinatatag ng Australia at De La Salle University (DLSU) ang matagal nang ugnayan sa edukasyon, kalakalan, at pangrehiyong kooperasyon bilang bahagi ng pagsusulong ng mas matatag na ekonomiya at kaunlaran sa Pilipinas at mga bansang bumubuo sa Indo-Pacific Region.

Ito ang naging pangunahing mensahe sa ginanap na Foreign Policy Address ni Australian Senator and Minister on Foreign Affairs – Leader of the Government in the Senate Penny Wong sa DLSU Manila, kung saan binigyang-diin ang lumalalim na ugnayan ng Australia at Pilipinas na nakabatay hindi lamang sa walong dekada ng diplomatikong relasyon kundi sa patuloy na pagpapalawak ng kalakalan, foreign investments, edukasyon, at people-to-people exchanges.

Ayon kay Wong, mahalaga ang pakikipagtulungan sa ASEAN upang mapanatili ang katatagan ng ekonomiya sa harap ng pandaigdigang hamon sa seguridad, enerhiya, at suplay ng pagkain.
Binigyang-diin din ng Australian foreign minister na nananatiling mahalagang katuwang ang Southeast Asia sa pangmatagalang plano at programa katuwang ang ‘Strategic and Economy’ ng Australia.

“Friends, we know our region is being reshaped. The strategic landscape has changed, and artificial intelligence is reshaping the foundations of our societies and the nature of conflict. We know competition is intensifying. Old certainties no longer hold. And the risk of escalation and miscalculation is growing. And the full impact of this year’s shocks – in the Middle East, in our region, in the global economy – is still unfolding,” ayon sa key note speech ni Senator Wong.

Ibinahagi naman ni DLSU Manila Provost at Vice President for Academics Dr. Robert Roled ana mahalagang bahagi ng matatag na ugnayan ng Pilipinas at Australia ang kooperasyon sa larangan ng mataas na edukasyon at pananaliksik.

Patuloy na isinusulong ng DLSU at mga Australian universities ang joint degree programs, faculty at student exchanges, at collaborative research upang makabuo ng mga konkretong solusyon sa mga hamon sa pamamahala, ekonomiya, seguridad, at kaunlaran.

Nakiisa at dumalo sa gawain si Apostolic Nuncio to the Philippines Archbishop Charles Brown.

Load More

BE OUR PARTNERS

THIS PORTION IS BROUGHT YOU BY

Learn More

ADVOCATE

Radyo Veritas Advocacy Category by Author

Veritas Editorial

Picture of Rev. Fr. Anton CT Pascual

Rev. Fr. Anton CT Pascual

NASAAN ANG SIMBAHAN

Thursday, July 23, 2026 7:00 am 7:00 am

 22,221 total views

 22,221 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS

Read More »

Upper-middle income na ang Pilipinas

Wednesday, July 22, 2026 7:00 am 7:00 am

 68,151 total views

 68,151 total views Mga Kapanalig, upgraded na daw ang Pilipinas!  Ayon sa World Bank, ang Pilipinas ay isa nang upper-middle income country. Ibig sabihin, lumampas na

Read More »

Ibinasurang paraiso

Tuesday, July 21, 2026 7:00 am 7:00 am

 101,233 total views

 101,233 total views Mga Kapanalig, napanood ba ninyo ang dokumentaryo tungkol sa lupang ninuno o ancestral land ng mga katutubong Aeta na ginawang tambakan ng basura

Read More »

Gaslighting

Monday, July 20, 2026 7:00 am 7:00 am

 129,584 total views

 129,584 total views Mga Kapanalig, narinig na ba ninyo ang salitang “gaslighting”? Ang gaslighting ay isang uri ng sikolohikal na manipulasyon kung saan ipinalalabas ng isang

Read More »

NASAAN ANG SIMBAHAN

Saturday, July 18, 2026 7:00 am 7:00 am

 196,985 total views

 196,985 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS

Read More »

Watch Live

LISTEN LIVE TO DZRV846 E-RADIO PORTAL

RELATED ARTICLES

Load More
Scroll to Top