5,269 total reads
Nagpahayag ng pakikiisa ang Promotion of Church People’s Response sa mga driver ng pampublikong sasakyan at sa No To Oil Price Hike Coalition kaugnay ng isinagawang transport strike ng grupo upang tutulan ang patuloy na pagtaas ng presyo ng langis.
Ayon sa PCPR, sinusuportahan ng grupo ang anim na pangunahing panawagan ng mga tsuper at manggagawa na apektado ng tumataas na gastusin sa transportasyon.
Partikular din tinukoy ng grupo ang epekto ng Oil Deregulation Law sa patuloy na pagtaas ng presyo ng langis sa bansa, na lalong nagpapabigat sa mga tsuper at mamamayan.
“The Promotion of Church People’s Response stands in solidarity with PUV drivers and the No To Oil Price Hike Coalition in the six demands for today’s transport strike… The Oil Deregulation Law in the Philippines has allowed prices at the pump to more than double since the US attacked Iran.” Bahagi ng pahayag ng PCPR.
Nanawagan din ang Promotion of Church People’s Response ng panalangin para sa kapayapaan sa gitna ng umiiral na tensyon sa pandaigdigang antas, partikular ang epekto ng mga digmaan sa hanapbuhay ng mga manggagawa.
“Let us pray for an end to US wars of aggression that are affecting working peoples throughout the world, including the Philippines,” Dagdag pa ng PCPR.
Ayon sa PCPR, makakaasa ang mga batayang sektor sa patuloy na paninindigan ng iba’t ibang sektor, kabilang ang mga grupong pansimbahan, sa pagsusulong ng kapayapaan, katarungan, at kapakanan ng mga manggagawa sa gitna ng umiiral na krisis pang-ekonomiya.
