40,416 total reads
Nagpaabot ng mensahe si Pangulong Ferdinand Marcos Jr. sa sambayanang Pilipino bilang pakikiisa sa paggunita ng Semana Santa, na bilang panahon ng pamamahinga, pagninilay, at panibagong lakas ng pananampalataya.
Ayon sa Pangulo, mahalagang gamitin ang banal na panahong ito upang alalahanin ang sakripisyo ni Hesukristo at ang mas malalim na kahulugan ng paglilingkod sa kapwa.
“I am one with the entire Filipino people as we take a moment for a brief pause, rest, and reflection during this Holy Week,” pahayag ng Pangulo.
Binigyang-diin niya na ang buhay at paghihirap ni Kristo ay paalala na ang tunay na kadakilaan ay hindi nasusukat sa kapangyarihan kundi sa sakripisyo at paglilingkod.
“The Passion of Christ reminds us that true greatness is not found in power, but in sacrifice; not in privilege, but in service; and not in comfort, but in the courage to carry the burdens of others,” dagdag pa ng punong ehekutibo.
Hinimok din ng Pangulo ang publiko na patatagin ang pananampalataya sa gitna ng mga pagsubok, at pairalin ang malasakit at pagtutulungan sa kapwa, lalo na sa mga nangangailangan.
“As we reflect on His sacrifice, may we renew our commitment to love one another more deeply, serve one another more faithfully, and stand firm in faith even in the face of trials,” aniya.
Ayon pa kay Marcos, ang bawat gawa ng kabutihan at sakripisyo para sa kapwa ay pagpapatuloy ng diwa ng mensahe ni Kristo.
“For in every act of compassion, every hand extended to those in need, and every sacrifice made for the good of others, we keep alive the spirit of His message,” giit ng Pangulo.
Sa huli, nanawagan ang Pangulo na gawing inspirasyon ang Semana Santa upang patatagin ang pagkakaisa at malasakit sa bansa.
“May this Holy Week strengthen our resolve to become a nation guided by faith, united in purpose, and inspired by selfless service,” ayon pa kay Marcos.
