2,179 total reads
Naglabas na ng extradition warrant ang isang Regional Trial Court sa Makati laban kay Kingdom of Jesus Christ founder Pastor Apollo Quiboloy at dalawa pa nitong kasama.
Ayon sa Department of Justice (DOJ), kabilang sa mga saklaw ng warrant sina Teresita Tolibas Dandan at Helen Panilag.
“On November 12, 2026, pursuant to Section 4, Rule 2 of the Rules of Extradition Proceedings, the court issued an Extrajudicial Warrant of Arrest against the foregoing individuals , after finding probable cause that; (a)each extraditee is the person named in the corresponding foreign arrest warrant and indictment, (b) that the offenses charged are extaditable offenses, and (c) that each extraditee committed the offense or offenses charged,” ayon sa inilabas na pahayag ng DoJ.
Ayon pa sa pahayag, “At the same time, said court likewise issued a Hold Departure Order against each extraditee, to prevent any attempt by each of them to depart from the Philippines.”
Hinihiling ng United States ang pagpapadala sa tatlo sa Amerika upang harapin ang mga kasong may kaugnayan sa international human trafficking, sex trafficking, conspiracy at bulk cash smuggling.
Nasa kustodiya na ng mga awtoridad sa Pilipinas si Quiboloy at nahaharap din sa magkahiwalay na kasong qualified human trafficking at child sexual abuse sa mga korte sa bansa.
Nilinaw naman ng DOJ na ang extradition proceedings ay hindi paglilitis upang tukuyin kung nagkasala ang mga respondent.
Ang desisyon sa kanilang pananagutang kriminal ay nakasalalay sa korte ng bansang humihiling ng kanilang extradition.
Nauna nang iniulat na inihain noong Nobyembre 9 ang extradition petition sa Makati RTC Branch 145.
