7,800 total reads
Inaanyayahan ng Conference of Major Superiors in the Philippines (CMSP) ang mga mananampalataya na makiisa sa isang “Misa ng Bayan” na gaganapin sa St. Joseph’s College of Quezon City sa ika-1 ng Mayo 2026, ganap na alas-8:30 ng umaga.
Isasagawa ang banal na misa sa ilalim ng temang “Panlipunang Hustisya at Abot-Kayang Pamumuhay para sa Lahat,” na nagbibigay-diin sa panawagan para sa katarungan, dignidad, at mas makatarungang lipunan para sa bawat Pilipino.
Layunin ng gawain na pagtibayin ang pananampalataya at pagkakaisa ng mamamayan sa gitna ng patuloy na mga hamon na kinakaharap ng bansa.
“Inaanyayahan ang lahat na makiisa sa isang makabuluhang pagdiriwang ng pananampalataya at pagkakaisa para sa bayan… Sa gitna ng ating mga hamon bilang isang bansa, tayo ay tinatawag na magkaisa sa panalangin at pagkilos para sa katarungan at dignidad ng bawat Pilipino. Sama-sama tayong mag-alay ng panalangin para sa kapayapaan, katarungan, at tunay na pagbabago.” Bahagi ng paanyaya ng CMSP.
Ayon sa CMSP, mahalaga ang sama-samang panalangin at pagkilos upang maisulong ang kapayapaan at tunay na pagbabago sa lipunan.
Inaanyayahan ang publiko na makiisa at mag-alay ng panalangin para sa kapayapaan, katarungan, at kapakanan ng sambayanan.
