14,121 total views
Inaanyayahan ng Archdiocese of Manila ang mga kabataan na makibahagi sa “MAGBOKASYON 2026” na gaganapin sa May 22, 2026 sa Cuneta Astrodome sa Pasay City bilang bahagi ng pagsusulong ng bokasyon at paglilingkod sa Simbahan.
Sa inilabas na paanyaya ni Fr. Vicente Gabriel Bautista, Minister ng Ministry of Altar Servers, sinabi nitong layunin ng pagtitipon na hikayatin ang mga kabataan na pakinggan ang tawag ng Diyos.
“The Vicariate of Sta. Clara de Montefalco Youth, together with the Manila Archdiocesan Vocations Office, and the Rogationists of the Heart of Jesus, wishes to invite you to this year’s MAGBOKASYON 2026 on May 22, 2026, Friday, from 1 o’clock in the afternoon until 7 o’clock in the evening at the Cuneta Astrodome, Pasay City.”
Bukas ang programa para sa mga may edad 13 hanggang 39 anyos at libre ang paglahok.
“This is open for all (ages 13-39 years old), free of charge, food and light snacks will be provided,” ayon pa sa circular letter.
Tampok sa pagtitipon ang panayam ni Fr. Eduardo Miguel Ramirez habang pangungunahan naman ni Fr. Leo Angelo Ignacio ang banal na misa.
Umaasa rin ang mga tagapag-organisa na mas maraming kabataan ang tutugon sa panawagan ng Panginoon.
“We hope to invite you to this event and appreciate the call coming from the Good Shepherd. Magbokasyon! Ano? Tara!” saad ng liham.
Maaaring magparehistro ang mga nais dumalo sa inilabas na online registration link ng organizers habang maaari ring bisitahin ang Facebook page ng Archdiocesan Liturgical Commission, Manila para sa iba pang detalye. https://forms.gle/Y9hVqCdRX4111z327
