551 total views
Hinimok ng Catholic Bishops’ Conference of the Philippines (CBCP) ang mamamayan na maging mapanuri laban sa misinformation, propaganda, at pagkakahati-hati sa lipunan.
Ito ang bahagi ng mensahe ng CBCP sa bagong pastoral statement ng Kalipunan ng mga Obispo ng Pilipinas bilang panawagan para sa kapayapaan sa gitna ng nagpapatuloy na digmaan at tensyon sa Middle East at iba pang bahagi ng mundo, na may titulong
“Pastoral Statement on Peace in a Wounded World” na nilagdaan ni CBCP President, Lipa Archbishop Gilbert Garcera.
Nanawagan din ang mga Obispo sa mga pinuno ng iba’t ibang bansa na pairalin ang diplomasya at diyalogo kaysa paggamit ng dahas at kapangyarihan para sa pansariling interes.
“Choose dialogue over domination, diplomacy over destruction, restraint over retaliation, and moral courage over pride and aggression. True greatness is measured not by the capacity to destroy, but by the wisdom to seek peace, protect human life, and uphold the dignity of nations and peoples. Humanity longs not for more powerful weapons, but for more compassionate hearts, enlightened consciences, and leaders committed to justice, reconciliation, and the common good.” Bahagi ng pastoral ng CBCP.
Hinimok din ng CBCP ang mga diyosesis, parokya, paaralan, religious communities, at lay organizations na magsagawa ng mga gawain partikular na ang pananalangin para sa kapayapaan, pagtulong sa mga OFW at kanilang pamilya, at pagtataguyod ng pagkakaisa at pakikipag-usap sa iba’t ibang pananampalataya at kultura.
“Peace becomes possible when hearts are converted, justice is upheld, and nations learn once more to recognize one another as members of a single human family of God. We cannot remain indifferent to the cries of those suffering from war. Let us unite in prayer for peace, stand with the afflicted, and call all peoples and nations to choose dialogue, justice, and the sanctity of every human life.” Dagdag pa ng CBCP.
Inaprubahan ang pahayag sa naganap na pagpupulong ng CBCP Permanent Council noong Mayo 20, 2026 kung saan binigyang-diin ng kalipunan ng mga Obispo ang kahalagahan ng pananalangin, pagkakaisa, at pagsusulong ng diyalogo sa halip na karahasan at digmaan gayundin ang misyon para sa bawat Kristiyano na maging instrumento ng pagkakasundo at pagmamahalan.
