5,152 total reads
Tiniyak ni Father Anton CT Pascual – Chairperson ng Union of Catholic Church Cooperatives o UCCC ang paghahasa sa kakakayaha ng mga tagapamahala ng mga Church Based Cooperatives.
Ayon sa Pari, sa pamamagitan ng pagsisimula at higit na pagpapalawig ng parliamentary procedure seminar ay nagkakaroon ng pagkakataon ang mga nangangasiwa sa mga kooperatiba nang simbahan na mahasa ang kanilang kakakayahan.
Isinusulong din nito ang kaayusan sa mga kooperatiba upang maayos na mapangasiwaan ang pinagsama-samang yaman ng mga miyembro nito.
“Mahalaga ang parliamentary procedure sa leadership in order to put order and direction sa pagdaloy ng mga magtitipon tulad ng General Assembly at mga Board of Directors meeting. Para hindi sabog-kalat, mayroong kaayusan. Kaya iyan ay isang standard in order to ensure efficient, effective flow of meeting and processes in any formal gathering like General Assembly, eleksyon, and Board of Directors meeting. Kaya mahalaga ang parliamentary procedure,” ayon sa panayam ng Radyo Veritas kay Fr.Pascual.
Ang mensahe ay matapos idaos sa apat na kooperatiba ng Immaculate Conception Parish Development Cooperative, San Isidro Labrador Parish MPC, Saint Joseph Shrine Credit Cooperative at SVD-CTM Credit Cooperative ang Parliamentary Procedure Seminar.
Bilang Executive Director ng Caritas Manila, una at higit na isinusulong ni Father Pascual ang pakikilahok, higit na ng mga mahihirap sa mga kooperatiba upang maging mabisang pamamaraan na panlaban sa kahirapan.
