9,121 total reads
Nanawagan ang Church People-Workers Solidarity (CWS) sa Senado na tiyaking magiging patas, malaya, at naaayon sa konstitusyon ang pagdinig sa impeachment trial ni Vice President Sara Duterte.
Ayon kay CWS National Chairman at Caritas Philippine President – San Carlos Bishop Gerardo Alminaza, ang impeachment ay mekanismo ng pananagutan sa halip na maging kasangkapan ng pulitika o pansariling interes ng may mga kapangyarihan.
Binigyang-diin ng CWS na ang mga alegasyon kaugnay ng paggamit ng confidential at intelligence funds ay nararapat na masusi , malinaw, at walang kinikilingang imbestigasyon.
“The allegations surrounding the use of confidential and intelligence funds—including the reported liquidation of millions of pesos through fictitious acknowledgment receipts and non-existent recipients—raise serious questions that deserve a full, transparent, and impartial examination. If proven true, these are not mere accounting irregularities but grave violations of the public trust.
Iginiit din ng CWS na ang usapin ay higit pa sa isang opisyal ng pamahalaan dahil sumasalamin ito sa malawak na suliranin ng korapsyon at kawalan ng pananagutan sa bansa.
Naninindigan ang Obispo na dapat managot ang lahat ng sangkot sa anumang anyo ng katiwalian, kabilang ang maling paggamit ng confidential funds, mga iregularidad sa flood control projects, procurement, campaign finance, pang-aabuso sa kapangyarihan, at iba pang paglustay sa pondo ng bayan.
Pinayuhan ng lider ng Caritas Philippines ang mga Senator judge na hindi dapat maging mapili ang pagpapatupad ng hustisya sapagkat.
“The issue before us goes far beyond one public official. It speaks to a deeper culture of corruption and impunity that has long deprived the Filipino people of opportunities for genuine development,” ayon sa mensahe ni Bishop Alminaza na pinadala ng CWS sa Radyo Veritas.
Hinimok din ng CWS ang mga senador na pairalin ang konsensya, integridad, at katapatan sa kanilang magiging pasya.
Pinaalalahanan naman ng CWS ang mamamayan na manatiling mapagmatyag, mapanuri, at aktibong makibahagi sa pagtatanggol ng katotohanan, transparency, at accountability sa pamahalaan.
