202,105 total views
Kapanalig, sa Southeast Asia, ika-apat ang Pilipinas sa happiest country. Ika-56 naman ang Pilipinas mula sa 147 na bansa sa buong mundo na kabilang sa Gallop World Poll na World Happinnes report.
Bakit masayahin ang mga Pilipino? Natuklasan ng Gallop World Poll ang “caring behaviour” o pagiging matulungin ng mga Pilipino ang pangunahing nagdudulot ng kasiyahan. Dahil sa caring behaviour, nalalampasan… napagtatagumpayan..,nakakabangon ang mga Pilipino kahit paulit-ulit na nilugmok ng matinding sakuna., kalamidad at mabibigat na pagsubok sa buhay.
Ika nga Kapanalig, walang makakatalo., numero uno tayong mga Pilipino kung “resiliency” ang pag-uusapan.
Sa alinmang panig ng mundo, kilala din tayong mga Pilipino sa kasipagan. Pagdating sa trabaho., tayo ay maaasahan.
Ngunit may negatibo rin tayong gawi na mga Pilipino., madali din tayong nabu-burnout. Wala ka nang gana sa dati mong gawain…hindi mo alam kung saan magsisimula…pakiramdam mo walang ka nang kuwenta kahit marami ka nang na-accomplish.
Pinapatunayan ito ng nationwide survey ng Agile Data Solutions Inc., lumabas sa survey na walo (8) sa sampung (10) ay nais na magbago ng career o trabaho sa nakalipas na anim na buwan ng taong 2026. Naghahanap ang mga ito ng magandang growth opportunities at masiglang work-life balance. Ang dahilan, hindi na masaya ang maraming Pilipino sa kasalukuyang nilang working environment.
60-percent ng 1,111 manggagawang Pilipino ang nagsasabing kuntento sila sa kanilang trabaho., ngunit naantala ang pag-usad., hindi na gumagalaw., nahihirapan ang maraming manggagawa na ibalanse ang kanilang buhay at trabaho. Nakakadagdag din sa pagiging burnout ang maliit na sahod at kompensasyon., maraming workload o multi-tasking., isyu sa management at hindi malinaw na supervisorial na direksyon. Sinasabi sa survey na hindi lamang na overwhelmed ang mga Pilipino sa kanilang trabaho kundi lalong nahihirapan kung paano hahatiin ang konting oras at enerhiya sa pamilya, pahinga at personal na buhay.
Natuklasan din sa survey na bukod sa paghahanap ng maayos na employer at mataas na sahod., nais din ng maraming manggagawang Pilipino na magtayo ng negosyo upang kontrolada nila ang kanilang oras. 39-percent ng mga respondent ay may edad na 18 hanggang 34-anyos habang 37-percent naman ang edad 25 hanggang 34-taong gulang.
Kapanalig, nakakatakot ang problema sa burnout ng maraming manggagawang Pilipino na kung hindi matutugunan., maari itong maging ugat ng mga trahedya.
Kung nasasakal ka na, kailangan mong tumigil nang panandalian, ang simbahan ang pinaka-safe haven., wala ditong demand ng performance, walang deadline na hinahabol.
Kapanalig, hindi natin kailangang magmadali., isaisip natin ang Ezekiel 20:19-20 “ I am the lord yor God; follow my decrees and be careful to keep my laws. Keep my Sabbaths holy, that they may be a sign between us. Then you will know that I am the Lord your God”.
Sumainyo ang Katotohanan.
