816 total reads
Nagpaabot ng pakikiramay at pakikiisa sa panalangin ang Catholic Bishops’ Conference of the Philippines o CBCP sa mga biktima ng malawakang pagbaha sa Nepal.
Sa mensahe ni CBCP President at Lipa Archbishop Gilbert Garcera, ipinanalangin ang mga nasawi, mga pamilyang nawalan ng mahal sa buhay, mga nawawala at mga residenteng nawalan ng bahay at kabuhayan.
“On behalf of the Catholic Bishops’ Conference of the Philippines, I extend our heartfelt sympathy and prayerful solidarity to all those affected by this tragedy. We remember especially those who have died, the families who grieve, those who remain missing, and all who have lost their homes and livelihoods,” ayon sa mensahe ni Arcbishop GArcera.
Binigyang-diin ng CBCP na nauunawaan ng mga Pilipino ang tindi ng ganitong trahedya lalo’t madalas ding makaranas ang bansa ng mga mapaminsalang kalamidad.
Ayon pa sa mensahe, “As a people who have ourselves known the pain and devastation brought by natural calamities, we stand with the people of Nepal in this hour of grief.”
Hiniling ng mga obispo ang walang hanggang kapahingahan para sa mga nasawi, lakas at ginhawa para sa mga nakaligtas, at tapang para sa mga patuloy na nagsasagawa ng rescue at relief operations.
Tiniyak ng CBCP na kaisa ng mga taga-Nepal ang Simbahan sa Pilipinas sa panalangin, malasakit at pag-asa habang humaharap sila sa matinding pinsala ng kalamidad.
