5,043 total reads
Nakatanggap ang House prosecution panel ng ulat mula sa social media na maaring humingi ng “compromise agreement” ang defense panel ni VP Sara Duterte.
Ang compromise agreement, tatanggalin lang sa puwesto si VP Duterte, hindi kasama ang tuluyang pagbabawal na umupo ito sa alinmang public office.
Kapanalig, kung totoo ang pahayag ng prosecution panel, tila inaamin ng pangalawang pangulo ang pagkatalo?
Pinapalutang sa social media na tatanggapin ni VP Sara ang pagsibak sa kanya sa puwesto, pero dapat manatili ang eligibility nito na tumakbo sa pagkapangulo sa 2028.
Huli na ang lahat para kay VP Duterte! ibinasura agad ng prosecution panel ang social media speculation.
Nanindigan ang prosekusyon, walang basehan ang compromise at inconsistent ito sa 1987 constitution Article XI, Sec 3(7) na sinasaad ang “judgment in impeachment “shall not extend further than removal from office and disqualification to hold any office”.
Kapanalig, walang katuturan ang hakbang ng depensa, hindi maaring mag-bargain, hindi negotiable ang perpetual disqualification.
Ang lumulutang na espekulasyon ay testing lang sa political settlement, bahagi lamang ito ng negotiation tactics ng depensa, baka sakali mapupulsuhan nila ang boto ng Senator-judges.
Hindi pa tapos ang impeachment trial, kung nais ng depensa maari silang maghain ng pormal offer na magbitiw si VP Sara sa impeachment court kapalit ng no disqualification.
Ang problema ni VP Sara, pinaniniwala niya ang sarili na wala siyang pagkakamali.. may pagkakataon pa ang pangalawang pangulo na humingi ng tawad sa mga Pilipino, sinasabi na ang mga Pilipino ay likas na mapagpatawad, mabilis makalimot.
Kapanalig, sinasabi ng Luke 6:37 “Judge not, and you will not be judged; condemn not, and you will not be condemned; forgive, and you will be forgiven”.
Para kay VP Sara, ang paalala ng Matthew 18:21-22-“Then Peter came up and said to him, “Lord, how often will my brother sin against me, and I forgive him? As many as seven times?” Jesus said to him, “I do not say to you seven times, but seventy-seven times”
Napapanahon ng iwaksi ng pangalawang pangulo ang entitlement, sa halip isabuhay ang “humility”.
Kapanalig sa kaso ni VP Duterte., hindi maaring baluktutin ng tapang, ng mabulaklak na salita, nang pera, nang kapangyarihan, nang magagaling na abogado., nang press release… ang ebidensiya!
At the end of the day Kapanalig, accountability and truth must prevail over “graceful exit” sa impeachment trial ng pangalawang opisyal ng Pilipinas
Sumainyo ang Katotohanan.
