652 total reads
Tiniyak ni Father Roy Bellen, Vice-President for Operations ng Radio Veritas, Commissioner ng Archdiocesan Office of Communications ng Archdiocese of Manila at General Manager ng TV Maria sa mga mananampalataya na aktibo ang Simbahang Katolika na ituwid ang pagkakamali ng mga Pari.
Bukod sa pagtuwid sa mga pagkakamali, kalakbay din ng mga biktima ng sexual abuse ang Simbahan.
“One thing we can assure the faithful, ang simbahan po ngayon ay very active po para ituwid and of course punuan po ang pangangailangan ng mga nabiktima. Madalas ang perception po ay parang tahimik na naman ang simbahan, cover-up na naman iyan, pero we have to understand na we also care apart from with the care for the victim. Napakaimporatante rin po na yung nambiktima o yung nakagawa ng hindi tama ay atin ding alagaan. Ito po yung consistency ng simbahan.Katunayan yung sa EJK, yung biktima ng EJK of course yung mga nagawan ng hindi maganda, yung pamilya, yung biktima ng mga drugs, so both yung pushers tapos yung mga users we care for them.” pahayag ni Father Bellen
Aminado naman si Bellen na nakakalungkot na may nagagawang hindi maganda ang mga kapatid na Pari.
Bunsod nito, iginiit ni Father Bellen ang kahalagahan na lalong pang pag-igtingin ng mga pari ang paghahangad na makagawa ng tama at pakalasin ang prayer life.
“Sa aming mga pari ay nakakalungkot na ang mga kapatid namin ay may ginagawang hindi maganda o may nagawang hindi maganda. Kaya kailangan pag-igtingin ang amin pong paghahangad na makagawa ng tama and of course as what the pope says yung prayer life palakasin po lalo iyan.” pahayag ni Father Bellen sa Radio Veritas
Ipinaliwanag naman ng Canon lawyer na si Father Getty Ferrer ng Diocese ng San Jose Nueva, Ecija na iginagalang ng Simbahang Katolika ang batas hindi lamang ng simbahan kundi ang civil law o batas na umiiral sa lipunan na sumasaklaw sa lahat ng mamamayan na mapapatunayang nagkasala sa batas.
Read more: Paring sangkot sa sexual abuse, nahaharap sa Canon at Civil law
