1,900 total reads
Dismayado ang Missionary Benedictine nun na si Sr. Mary John Mananzan, O.S.B sa patuloy na mga pang-aabuso na dinaranas ng mga kabataan at kababaihan sa kasalukuyang modernong panahon.
Ito ang ibinahagi ng Madre na siya ring Director ng St. Scholastica’s College Institute of Women’s Studies (IWS) sa naganap na online Ecumenical gathering bilang paggunita ng International Women’s Day ngayong taon.
Ayon kay Sr. Mananzan, ang Online Sexual Abuse and Exploitation of Children ang isa sa mga suliraning kinahaharap ng mga kabataan at kababaihan sa bansa.
Ipinaliwanag ng Madre na nakababahala at hindi katanggap-tanggap ang pang-aabuso kung saan kadalasan ay mga magulang at kaanak pa ang naglalantad sa mga biktima.
Binigyang diin rin ni Sr. Mananzan na isang kahihiyan para sa bansa na matukoy ng United Nations Children’s Fund (UNICEF) bilang sentro ng naturang cybercrime laban sa mga kababaihan at mga kabataan.
“Meron tayong bagong stage of struggle yung tinatawag na OSAEC o Online Sexual Abuse and Exploitation of Children through Cyber yung tinatawag na Cyber Crime. I want to call your attention on it because the UNICEF has said that the Philippines is the vortex, is the center of this OSAEC and that is such a shame kasi maraming kabataan po kababaihan yan although hindi lang kababaihan pero yan po ang new part of our struggle and I want to ask all of you to take part in this struggle against this cybercrime” pahayag ni Sr.Mananzan
Kaugnay nito nanawagan rin ang Madre sa bawat isa na maging mapagbantay sa pamayanan kaugnay sa mga pang-aabuso na kinahaharap ng mga kabataan at kababaihan.
“So I would like to ask everybody who is here now [online celebration] to really pay attention to this OSAEC that is happening in your neighborhood and really make an effort to fight against..”panawagan ng madre.
