PDL’s, mga anak ng Diyos-Bishop Florencio

 24,686 total views

Binigyang-diin ni Military Ordinariate of the Philippines Bishop Oscar Jaime Florencio, chairman ng CBCP–Episcopal Commission on Prison Pastoral Care (ECPPC), na kailanman ay hindi nawawala ang dignidad at pagiging anak ng Diyos ng mga Persons Deprived of Liberty (PDLs).

Ito iginiit ng Obispo kaugnay sa paggunita ng 38th Prison Awareness Week ngayong taon.

Ayon kay Bishop Florencio, sa kabila ng kanilang mga pagkakamali o kasalanang nagawa sa buhay ay hindi pa rin mai-aalis ang kanilang dignidad bilang tao.

“Hindi po nawawala ang kanilang dignidad bilang mga tao. Siguro, nagkasala sila, pinarusahan sila, pero hindi sila nawawalan ng kanilang pagkaanak ng Diyos. They are still children of God,” Bahagi ng pahayag ni Bishop Florencio sa Radyo Veritas.

Sa mensahe ng Obispo para sa pagdiriwang ng 38th Prison Awareness Week, binigyang-diin nito na ang Linggo ng Kamulatan para sa mga PDLs ay isang pagkakataon upang ipaalala sa lahat na ang mga bilanggo ay nananatiling kapatid sa pananampalataya ng bawat isa na karapat-dapat para sa pag-ibig, kalinga, at awa ng Diyos.

Hinimok din ng Obispo ang mga mananampalataya na patuloy na makiisa sa Simbahan sa pagbibigay ng tulong, pagdalaw, at panalangin para sa mga nasa piitan, na madalas ay nalilimutan o hinuhusgahan ng lipunan.

“Ang tingin ng Simbahan, sila rin po ay mga taong nangangailangan ng tulong. Kung hindi natin tutulungan, baka wala ring tutulong sa atin… Tulung-tulong tayo sa pagmamahal at pagtulong sa ating mga kapatid na nasa bilangguan,” Dagdag pa ni Bishop Florencio.

Ayon sa prison ministry ng CBCP, layunin ng Prison Awareness Week na mapukaw ang kamalayan ng mga mananampalataya sa kalagayan ng mga PDLs at mapagtanto na ang tunay na katarungan ay hindi lamang nakakamit sa pamamagitan ng pagpaparusa kundi sa pagbibigay din ng pag-asa at pagbabalik-dangal sa mga nakagawa ng pagkakasala.

Sa temang “Our Merciful God Proclaims Hope for Us Sinners and Restores Dignity for the Persons Deprived of Liberty!”, muling ipinapaalala ng Simbahan na ang awa ng Diyos ay walang hanggan at ang bawat taong nagkasala ay tinatawagan pa rin sa pagbabagong-loob at pag-asa na hatid ng Panginoon.

Nakatakdang gunitain ngayong taon ang 38th Prison Awareness Sunday sa ika-26 ng Oktubre, 2025 kung saan taong 1987 itinakda ng CBCP-Episcopal Commission on Prison Pastoral Care ang huling Linggo sa buwan ng Oktubre bilang Prison Awareness Week o linggo upang alalahanin at bigyang pansin ang kapakanan at kalagayan ng mga bilanggo sa buong bansa.

Gawing kultura ng pananampalataya ang safeguarding hindi lamang polisiya, apela ng CBCP-PMVP

 13,761 total views

Binigyang-diin ni San Fernando Archbishop Florentino Lavarias, chairman ng Catholic Bishops’ Conference of the Philippines – Office for the Protection of Minors and Vulnerable Persons (CBCP-PMVP) na isang makasaysayang yugto ang kauna-unahang National Safeguarding Conference 2025 sa patuloy na paglalakbay ng Simbahan sa Pilipinas.

Sa pambungad na mensahe ng Arsobispo para sa tatlong araw na pagtitipon ay ibinahagi ni Archbishop Lavarias na mahalaga ang layunin ng kauna-unahang National Safeguarding Conference 2025 upang isulong ang pagtatatag ng kultura ng pangangalaga at proteksyon sa mga bata, kabataan, at mahihinang sektor ng lipunan.

“This moment marks a critical turning point, a kairos, in our collective journey towards building a culture of safeguarding in the life of the Church in the Philippines. We come together not merely as representatives of institutions, but as stewards of hope, protectors of human dignity, and witnesses to the Gospel imperative that the little ones and the vulnerable among us must be safe, be heard, and be honored,” Bahagi ng pahayag ng Archbishop Lavarias.

Ayon sa Arsobispo, ang tema ng tatlong araw na pagtitipon na “Our Mission of Safeguarding: A Journey of Hope and Compassion” ay isang paanyaya rin upang lalong mag-ugat sa puso ng bawat lingkod ng Simbahan ang pananagutan na magtanggol, makinig, at magmalasakit bilang patotoo ng awa at pag-asa ng Diyos.

“May the theme of our conference echo deeply in our hearts. Our mission of safeguarding, a journey of hope and compassion. We must not miss what God is asking of us.” Dagdag pa ni Archbishop Lavarias.

Pagbabahagi pa ni Archbishop Lavarias, kasabay ng pagdiriwang ng Simbahan ng Jubilee Year of Hope ay patuloy na tinatawagan ng Diyos ang lahat upang gawing hindi lamang polisiya kundi kultura ng pananampalataya ang safeguarding, na nakaugat sa pagiging alagad ni Kristo at sa tunay na pagmamalasakit sa kapwa.

“Let us walk together then as one church and mission so that safeguarding becomes not only a policy but a culture rooted in our discipleship and in our witness to Christ may our word be fruitful our dialogue sincere and our soul unwavering a reliable sincere and a very soul and way of life. So welcome and let’s begin now the journey together.” Ayon pa kay Archbishop Lavarias.

Batay sa pagtataya ng CBCP– Office for the Protection of Minors and Vulnerable Persons (CBCP-PMVP) umabot sa mahigit 216 delegado mula sa 75 porsyento ng 87 diyosesis at arkidiyosesis sa bansa ang nakibahagi sa tatlong araw na pagtitipon, bukod pa sa mahigit 116 na kinatawan ng iba’t ibang mga religious congregations.

Samantala nasa 25 Obispo rin mula sa iba’t ibang diyosesis ang lumahok sa kauna-unahang National Safeguarding Conference 2025 bilang patunay ng malawak na suporta ng Simbahan sa pangangalaga sa mga mahihinang sektor ng lipunan.

Dumalo rin sa pagtitipon ang mga kinatawan mula sa Catholic Bishops’ Conferences ng Malaysia, Singapore at Vietnam, gayundin si Bishop Luis Manuel Ali Herrera, secretary ng Pontifical Commission for the Protection of Minors bilang simbolo ng pakikiisa ng Holy See sa inisyatibo at adbokasiya ng Simbahan sa Pilipinas.

Ang National Safeguarding Conference 2025 ay inorganisa ng CBCP-PMVP bilang tugon sa panawagan ng Synod on Synodality at bilang bahagi ng paggunita ng Simbahan sa Pilipinas ng Jubilee Year of Hope na itinuturing na taon ng pag-asa, awa, at katarungan para sa lahat.

Ipadama ang pag-ibig at pag-asa sa PDL’s, panawagan ng CBCP-ECPPC sa mamamayan

 7,637 total views

Ipadama ang pag-ibig at pag-asa sa PDL’s, panawagan ng CBCP-ECPPC sa mamamayan

Muling pinaalalahanan ng prison ministry ng Simbahang Katolika ang mga mananampalataya na ipadama ang malasakit, pag-ibig, at pag-asa sa mga Persons Deprived of Liberty (PDLs).

Ito ang bahagi ng mensahe ni Bangued, Abra Bishop Leopoldo Jaucian -isa sa mga nangangasiwa sa Catholic Bishops’ Conference of the Philippines – Episcopal Commission on Prison Pastoral Care kaugnay sa pagsisimula ng 38th Prison Awareness Week ngayong taon.

Ayon sa Obispo, mahalagang maramdaman ng mga PDLs ang kanilang patuloy na pakikilakbay sa buhay kasama ang Simbahan ng may pag-asang muling matuklasan ang pag-ibig ng Diyos na nakapagpapalaya.

“Para ipadama ng Simbahan na hindi sila [PDLs] nag-iisa sa paglalakbay sa buhay. At sana itong pakikilakbay ng Simbahan sa kanila through the Prison Awareness Day ay nagbibigay ng pag-asa sa kanila. At sana po sa pamamagitan din ng pagmamahal, paglilingkod ng mga volunteers, ay matamasa nila ang pag-ibig ng Diyos na umaasa na may pangako rin ng Diyos na makakalaya sila,” Bahagi ng pahayag ni Bishop Jaucian sa Radyo Veritas.

Binigyang-diin naman ni Bishop Jaucian na maging ang mga simpleng mamamayan ay may maaring magawa upang maipadama sa mga PDLs ang pag-asa mula sa Panginoon.

Pagbabahagi ng Obispo, isang pinakasimpleng paraan upang makiisa sa mga PDLs ay sa pamamagitan ng pananalangin, pagdalaw, at pagtulong sa mga PDLs na pawing mga konkretong hakbang ng pagkalinga at pakikibahagi sa kanilang pinagdaraanan.

“Una po yung panalangin para sa kanila. Pangalawa po kung meron tayong pagkakataon na bumisita, bisitahin natin po sila… So yun siguro at kung may kakilala po tayo, lalong-lalong na yung mga pamilya, pwede rin hindi lang po yung mga nasa loob, kundi pati rin bisitahin din natin ang kanilang mga pamilya. So, ito yung mga simpleng pamamaraan, panalangin, pagbisita, pagdalaw sa kanila. At kung may may tutulong, pwede rin po. Kasi yung anuman pangangailangan nila sa loob, kung meron daw tayong kakayahan na makibahagi o tumulong sa kanilang kapwa.” Dagdag pa ni Bishop Jaucian.

Hinikayat rin ng Obispo ang mga mananampalataya na magbahagi ng anumang tulong para sa mga PDL, bilang pagpapakita ng malasakit at konkretong pagsasabuhay ng awa at katarungan.

Paliwanag ni Bishop Jaucian, ang anumang pagtrato sa mga PDLs ay para na ring pagtrato sa Panginoon kaya naman dapat lamang na maging makatao ang bawat isa sa pakikisalamuha at pakikitungo sa mga nakagawa ng pagkakasala.

“Sabi nga kanina na kung binisita natin ang mga nasa kulungan, ay binibisita din natin ang Panginoon. Ikaw na nang gagawin natin sa kanila ay ginagawa din natin sa Panginoon.” Ayon pa kay Bishop Jaucian.

Nagpahayag naman ng taos-pusong pasasalamat si Bishop Jaucian sa mga Prison Chaplains, Volunteers, at mga kasapi ng Prison Apostolate na walang sawang naglilingkod at nagdadala ng liwanag ng pag-asa sa mga kulungan.

“Lalong-lalo po sa mga Volunteers of Prison Apostolate, maraming salamat sa mga binibigay niyong oras, panahon, para maglingkod sa mga Persons Deprived of Liberty. Sana po, mas marami pa tayo po na makiisa sa kanilang buhay at nagdadala ng pag-asa. So maraming maraming salamat po sa lahat ng mga naglilingkod, mga volunteers at mga chaplains sa Prison.” Dagdag pa ni Bishop Jaucian.

Tema ng 38th Prison Awareness Week ngayong taon ang “OUR MERCIFUL GOD PROCLAIMS HOPE FOR US SINNERS AND RESTORES DIGNITY FOR THE PERSONS DEPRIVED OF LIBERTY!” na layuning bigyang halaga ang pambihirang habag, awa, pagmamahal at pag-asa na hatid ng Panginoon para sa mga Persons Deprived of Liberty na naligaw ng landas at nakagawa ng iba’t ibang pagkakasala sa buhay.

Ang taunang Prison Awareness Week na isinusulong ng CBCP-Episcopal Commission on Prison Pastoral Care ay isang paanyaya sa sambayanang Kristiyano na maging kasangkapan ng Diyos sa pagpapanumbalik ng dangal, pag-asa, at pagbabago ng buhay ng mga nakagawa ng iba’t ibang pagkakasala sa buhay.

Pagiging partisan, itinanggi ng ANIM

 34,969 total views

Itinanggi ng Alyansa ng Nagkakaisang Mamamayan (ANIM) ang mga kumakalat na maling ulat sa social media na nag-uugnay sa kanilang grupo sa mga partisan o ilang pulitiko upang maproteksiyunan mula sa katiwalian.

Sa pamamagitan ng opisyal na pahayag ay nilinaw ng ANIM na ang samahan ay nananatiling isang non-partisan citizens’ coalition na binubuo ng anim na pangunahing sektor ng lipunan kabilang na ang Simbahan, mga civic organizations, kabataan, negosyante, manggagawa, at mga retiradong miyembro ng militar at unipormadong hanay na naghahanap ng pagbabago sa lipunan.

Ayon kay Roberto Yap, Lead Convenor ng ANIM, layunin ng alyansa na ipagtanggol ang demokrasya, isulong ang pananagutan sa pamahalaan, at pangalagaan ang alituntunin ng batas.

“In light of various misleading news reports and online commentaries, the Alyansa ng Nagkakaisang Mamamayan (ANIM) issues this claritication to set the record straight. ANIM calegorically denies and rejects any insinuation or claim linking the organization or its convenors to partisan or unconstitutional activities. ANIM is, and will always remain, a non-partisan citizens’ coalition composed of six major sectors of society – the church, civic organizations, youth, business, labor, and retired military and uniformed personnel – united by a shared commitment to defend democracy. promote accountability, and uphold the rule of law.” Bahagi ng pahayag ng ANIM.

Binigyang-diin ng ANIM na nakatuon ang pagkilos ng koalisyon sa tatlong pangunahing adbokasiya na kinabibilangan ng; Ang Laban sa Korapsyon na nananawagan ng ganap na transparency at accountability sa lahat ng sangay ng pamahalaan; Ang Pagtatapos sa Political Dynasties na pagsusulong inclusive at merit-based leadership upang mawakasan ang monopolyo ng kapangyarihan ng iilang pamilya; at Ang Komprehensibong Reporma sa Halalan na nagsusulong ng malinis, mapagkakatiwalaan, at ligtas sa manipulasyon na proseso ng halalan na tunay na sumasalamin sa kalooban ng sambayanang Pilipino.

Pagbabahagi ni Yap, lahat ng gawain ng ANIM ay mapayapa, konstitusyonal, at nakabatay sa moral na paninindigan.

Ipinahayag din ng alyansa na hindi kinukunsinti ng grupo ang anumang aksyon o pahayag ng mga indibidwal na miyembro na salungat sa kanilang mga prinsipyo o kolektibong pasya.

“If there are individual members who make statements or take actions inconsistent with ANIM’s principles, advocacies, or collective decisions, they do so in their personal capacities. Such actions and pronouncements are not sanctioned, endorsed, or representative of ANIM as a movement” Dagdag ng grupo.

Samantala, nanawagan naman ang ANIM sa publiko na maging mapanuri laban sa disinformation at mga maling balita na naglalayong pahinain o dungisan ang mga makatuwirang kilusan na naagsusulong ng reporma sa bansa.

“We call on the public to remain vigilant against disinformation, false narratives, and divisive efforts meant to discredit legitimate, lawful, and moral movements for reform. The pursuit of truth, transparoney, and good governance is not an act of poitics it is an act of patriotism.” Ayon pa sa ANIM.

Iginiit ni Yap na ang misyon ng ANIM ay hindi nakatuon sa pulitika, kundi sa pagpapalakas ng pananampalataya sa demokrasya, katotohanan, at kabutihang panlahat kasabay ng pagsusulong ng tungkuling moral na higit na mahalaga sa kasalukuyang panahon na puno ng maling impormasyon at pang-aabuso sa kapangyarihan ng mga nasa katungkulan.

SOAP project, inilunsad ng PJPS

 19,555 total views

Muling inilunsad ng Philippine Jesuit Prison Service (PJPS) ang taunang Simple Offering of Affection for Persons Deprived of Liberty o S.O.A.P Project bilang bahagi ng paggunita sa 38th Prison Awareness Sunday sa darating na Oktubre 26, 2025.

Layuning maipamahagi ang higit 34,000 piraso ng sabon at pain relief ointment para sa mga Persons Deprived of Liberty (PDL) ng New Bilibid Prison at Correctional Institution for Women.

Nasaaad sa official Facebook page at website ng Philippine Jesuit Prison Service (PJPS) na pinamumunuan ni executive director ni Rev. Fr. Firmo “Jun-G” Bargayo, SJ sng mga simpleng handog ay nagsisilbing tanda ng pag-aaruga at malasakit na nagbibigay saysay at pag-asa sa mga PDLs na kadalasang naisasantabi sa lipunan.

Ayon sa PJPS, ang proyekto ay isang kongkretong paraan ng pagpapakita ng awa ng Diyos sa mga PDLs na isa ring paalala na sila ay hindi nalilimutan at patuloy na bahagi ng komunidad ng pananampalataya.

Hinihikayat ng organisasyon ang mga mananampalataya na makibahagi sa inisyatibo ito sa pamamagitan ng tulong pinansyal o donasyon.

“One way to live out this mission is through S.O.A.P. – Simple Offering of Affection to PDLs, a project of the Philippine Jesuit Prison Service Foundation. SOAP aims to provide over 34,000 Persons Deprived of Liberty in the New Bilibid Prison and the Correctional Institution for Women with a bar of bath soap and pain relief ointment—small tokens of care that carry great meaning.” Bahagi ng paanyaya ng PJPS.

Nananawagan rin ang PJPS sa mga mananampalataya na makiisa sa paglalakbay ng awa, pag-ibig, at pag-asa para sa mga PDL.

Sa temang “Our Merciful God Proclaims Hope for Us Sinners and Restores the Dignity of Persons Deprived of Liberty!”, binibigyang-diin ng PJPS ang panawagan ng Simbahan na maging kasangkapan ng awa at pagpapanumbalik ng dangal ng bawat taong nakakulong.

“As we prepare to celebrate the 38th Prison Awareness Sunday on October 26, 2025, we are invited to walk with our brothers and sisters deprived of liberty with compassion and love. This year’s theme, “Our Merciful God Proclaims Hope for Us Sinners and Restores the Dignity of Persons Deprived of Liberty!”, calls us to be instruments of mercy and restoration.” Dagdag pa ng PJPS.

Ang taon-taong paggunita ng Prison Awareness Week ay naglalayong pukawin ang damdamin ng mga mamamayan na bigyang pansin ang kalagayan ng mga PDLs sa buong bansa, at isang pagkakataon din upang maipaalala ng Simbahan sa bawat isa na ipanalangin ang kapakanan, pagbabago at pagbabalik-loob ng mga PDLs sa buong bansa.

Ang Philippine Jesuit Prison Service (PJPS) ay ang socio-pastoral apostolate ng Society of Jesus (Philippine Province) na nagkakaloob ng iba’t ibang mga serbisyo at programa tulad ng holistic rehabilitation sa mga bilanggo o Persons Deprived of Liberty.

When whistleblowers are silenced, corruption wins-Bishop Bagaforo

 21,777 total views

Naniniwala ang humanitarian, development and advocacy arm ng Catholic Bishops’ Conference of the Philippines (CBCP) na patuloy na magwawagi ang katiwalian kapag pinatatahimik ang mga tagapagsiwalat ng katotohanan, habang muli naming mabubuhay ang pag-asa kung maitataguyod ang katarungan at katotohanan lipunan.

Ito ang pahayag ni Caritas Philippines President, Kidapawan Bishop Jose Colin Bagaforo bilang pagkundina sa pagpaslang kay Niruh Kyle Antatico na dating legal researcher ng National Irrigation Administration (NIA) na pinatay sa Cagayan de Oro noong Oktubre 10, 2025.

“When whistleblowers are silenced, corruption wins. When truth is punished, democracy bleeds. But when justice is done, life and hope are renewed.” Bahagi ng pahayag ni Bishop Bagaforo.

Si Antatico ay kilala bilang isang matapang na whistleblower na nagsiwalat ng mga iregularidad sa ilang proyekto ng NIA.

Matapos ang pagsisiwalat ni Antatico ay ilang mga pagbabanta sa buhay ang kanyang nataanggap bago ang naganap na pagpaslang.
Ayon kay Bishop Bagaforo, ang pananahimik at kawalan ng pananagutan sa mga ganitong krimen ay nagpapatibay sa kultura ng impunidad at nagpapadala ng mensaheng mapanganib ang magsalita laban sa katiwalian sa bansa.

“Mr. Antatico, a courageous whistleblower, had exposed alleged anomalies in NIA projects and received death threats even before his murder. His killing is not only an attack on one man — it is an attack on all Filipinos who dare to hold power to account. When truth-tellers are silenced and no one is held responsible, a culture of impunity thrives. It sends a chilling message that to speak truth to power is dangerous, and that those in authority can act without consequence. This is not only a tragedy — it is a moral crisis that demands action.” Pagbabahagi ni Bishop Bagaforo.

Kasama ng #FactsFirstPH information integrity coalition at iba’t ibang human rights groups, nanindigan ang Caritas Philippines laban sa katiwalian at kawalang katarungan, at nananawagan ng hustisya para kay Antatico at sa lahat ng katotohanang pilit na pinatatahimik sa bansa.

Hinimok rin ng organisasyon ang National Irrigation Administration, Department of Justice, Philippine National Police, at iba pang sangay ng pamahalaan na panagutin ang mga salarin at ang mga tiwaling opisyal na nasangkot sa mga iregularidad na ibinunyag ni Antatico.

Iginiit ni Bishop Bagaforo na ang hustisya para kay Antatico ay hindi nagtatapos sa pagpaparusa sa mga pumatay sa kanya, kundi sa paglalantad ng katotohanan sa likod ng maling paggamit ng pondo para sa irigasyon, na nakalaan sana para sa mga magsasakang Pilipino.

“Caritas Philippines, together with the #FactsFirstPH information integrity coalition, and other human rights groups, stands firmly against corruption and impunity. We condemn in the strongest possible terms the killing of whistleblowers and the continued neglect of government institutions that allow injustice to persist. We demand justice for those who have been silenced and call on the National Irrigation Administration, the Department of Justice, the Philippine National Police, and all branches of government to ensure that both the killers and the corrupt networks exposed by Mr. Antatico are brought to justice.” Dagdag pa ni Bishop Bagaforo.

Nanindigan ang Caritas Philippines na hindi mananahimik ang institusyon ng Simbahan sa harap ng anumang takot at karahasan.

Hinimok din ni Bishop Bagaforo ang mga pinuno ng pamahalaan na gawing pagkakataon ang pangyayari para sa moral na pagbabagong-loob at paglilinis ng mga institusyon upang maibalik ang tiwala ng bayan sa mga ahensya at opisyal ng pamahalaan.

“As Church, we stand with the families of truth-tellers like Kyle Antatico. We will not allow fear to prevail. We urge all government officials to make this tragedy an opportunity for moral conversion — to cleanse our institutions, protect whistleblowers, and restore faith in governance.” Ayon pa kay Bishop Bagaforo.

Public apology ng MPIO, tinanggap ng National Shrine of Our Lady of the Abandoned

 28,458 total views

Tinanggap na ng National Shrine of Our Lady of the Abandoned sa Santa Ana, Maynila ang paghingi ng paumanhin at paglilinaw na inilabas ng Manila Public Information Office (MPIO) kaugnay ng usaping hinggil sa heritage site ng Simbahan.

Sa opisyal na pahayag ng Dambana, sinabi nitong malugod na tinatanggap ng Simbahan ang paghingi ng paumanhin ng tanggapan ng pampublikong impormasyon ng Lungsod ng Maynila, subalit hinikayat ang tanggapan na maging higit na maingat sa mga susunod nitong pahayag upang hindi magdulot ng kalituhan sa publiko.

Ayon sa dambana may pananagutan ang nasabing tanggapan sa mga mamamayan ng Maynila bilang kumakatawan sa Alkalde kaya naman mahalagang maging makatotoohan ang mga isinasapubliko nitong impormasyon.

“We welcome the apology and clarification issued by the Manila Public Information Office. To move forward, we urge the Manila Public Information Office to exercise greater care in its future communications. The office is accountable to the people of Manila and represents the Mayor, making accuracy paramount.” Bahagi ng pahayag ng pamunuan ng National Shrine of Our Lady of the Abandoned sa Santa Ana, Maynila.

Nilinaw din ng dambana na bagamat hindi bahagi ng church complex ang Plaza Calderon na planong isaayos ng lokal na pamahalaan ay suportado naman ito ng Simbahan bilang pagpapaunlad sa nasabing lugar at bilang bahagi ng mas malawak na hakbang sa pagpapanatili ng makasaysayang katangian ng lugar ng Santa Ana.

“While Plaza Calderon is not part of the church complex, we look forward to its future development. This will enhance the historicity of the Santa Ana district, especially since the area was declared a Histo-Cultural Heritage Overlay Zone by the City Government of Manila in 2011.” Dagdag pa ng pamunuan ng dambana.

Sa kabila naman ng suporta ng dambana sa mga plano ng Mayor Francisco ‘Isko’ Moreno Domagoso para sa lungsod ng Maynila ay muling nanawagan ang pamunuan ng National Shrine of Our Lady of the Abandoned na pangalagaan ang mga pamanang kultural sa Santa Ana, kabilang na ang pagtugon sa usaping inihain ng mga parishioners at pamunuan ng Simbahan hinggil sa isyu ng Suntrust Ascentia sa lugar.

“Furthermore, we support the Mayor’s commitment to heritage preservation in Santa Ana and look forward to the resolution of the concerns raised by the parishioners and church administration regarding the Suntrust Ascentia issue,” Ayon pa sa dambana.

Samantala muli namang nanawagan ang pamunuan ng dambana sa publiko na maging taga-pangalaga ng pamana at samantalahin ang pagkakataon upang patatagin pa ang sama-samang paninindigan para sa pangangalaga ng kasaysayan at pananampalataya ng komunidad ng Santa Ana.

“Let this be a humbling moment for us all to renew our commitment to preserve and conserve our heritage, particularly our church which stood for more than 300 years,” pagtatapos ng pahayag.

Ang National Shrine of Our Lady of the Abandoned ay isa sa pinakamatandang Simbahan sa Maynila na nagsilbing saksi sa mahigit tatlong siglong kasaysayan ng pananampalataya ng mga taga-Santa Ana at ng buong lungsod ng Maynila.

CADP, nanindigan sa panukalang ibalik ang death penalty

 20,969 total views

Nanindigan ang Coalition Against Death Penalty (CADP) laban sa patuloy na mga panukalang ibalik ang parusang kamatayan sa bansa.
Ito ang bahagi ng pahayag ni CADP President Karen Lucia Gomez-Dumpit sa paggunita sa World Day Against the Death Penalty ngayong ika-10 ng Oktubre 2025.

Ayon sa pahayag ng CADP, nananatiling hindi makatao at labag sa dangal ng isang indibidwal ang parusang kamatayan sapagkat ito ay isang anyo ng karahasan at pagpaslang na hindi nagdudulot ng tunay na katarungan.

“On this World Day Against the Death Penalty, we join the global community in affirming a simple but profound truth: The death penalty is an inhumane practice. It is torture. The death penalty protects no one because of a flawed and corrupt justice system. Anyone is vulnerable. It neither heals the wounds of violence nor delivers true justice. Instead, it perpetuates cycles of violence and vengeance, deepens social inequality, and threatens the dignity of every human life.” Bahagi ng pahayag ng koalisyon.

Binigyang-diin din ng CADP na sa halip na wakasan ang karahasan ay lalo lamang palalalimin ng parusang kamatayan ang paghihiganti, kawalang katarungan, at hindi pagkakapantay-pantay sa lipunan.
Dagdag pa ng CADP, ang patuloy na panawagan para ibalik ang death penalty sa bansa ay nagpapakita ng kabiguan ng sistema ng katarungan sa bansa na nagpaparusa sa mahihirap habang pinoprotektahan ang makapangyarihan.

“Recent calls to revive capital punishment often arise in the name of justice. But history reminds us that justice must not be selective. To condemn with the calls for death penalty those who rob the nation of its future, who steal not just money but lives through systemic corruption only expose the reality and inconsistency of a justice system that redounds to punishing the poor and the powerless with death while shielding the powerful with impunity.” Dagdag pa ng CADP.
Mariing iginiit ng koalisyon na ang parusang kamatayan ay hindi katanggap-tanggap sapagkat nilalapastangan nito ang kabanalan at kasagraduhan ng buhay gayundin ang kakayahan ng bawat tao na makapagbago kung saan binigyang diin rin ng CADP na hindi tunay na natutugunan ng death penalty ang tunay na ugat ng kriminalidad sa lipunan.

Giit ng Coalition Against Death Penalty mas dapat na isulong sa bansa ang restorative justice na isang uri ng katarungang nagbibigay-diin sa pagpapagaling, pananagutan, at pagbabalik ng dangal hindi lamang sa nagkasala kundi pati sa mga biktima at sa buong komunidad.

“The death penalty is inadmissible. It violates the sanctity of life and the possibility of redemption. We call for the abolition of this cruel punishment and advocate for restorative justice that seeks accountability. The death penalty does not deter crime. It does not address the root causes of violence and corruption. It does not make our communities safer.” Ayon pa sa CADP.

Kasabay ng paggunita sa Prison Awareness Month ngayong Oktubre, na may temang “Our Merciful God Proclaims Hope for Us Sinners and Restores Dignity of Persons Deprived of Liberty,” ay muling pinagtibay ng koalisyon ang panawagan ng Simbahan para sa pagkilala sa dignidad ng bawat bilanggo.

Layunin ng Coalition Against Death Penalty na hikayatin ang mga mambabatas, mga lider ng iba’t ibang pananampalataya at Kristyanong denominasyon, at mga mamamayan na magkaisa sa pagtataguyod ng makatao, makatarungan, at maka-Diyos na sistema ng katarungan para sa kapayapaan at kabutihan ng sambayanan.