9,274 total reads
Nagpaabot ng taos-pusong pasasalamat ang Aid to the Church in Need (ACN) Philippines sa St. Peter Metropolitan Cathedral ng Archdiocese of Tuguegarao sa pangunguna ni Fr. Frank Manibog para sa mainit na pagtanggap sa “Caravan for Peace and Solidarity: Padayon Prelatura sa Marawi.”
Ayon sa ACN-Philippines, malaking inspirasyon ang ipinakitang pagkakaisa, suporta, at malasakit ng pamayanan sa adhikain ng caravan na isulong ang kapayapaan, pagkakaisa, at pakikiisa para sa muling pagbangon ng Prelatura ng Marawi.
“Our heartfelt gratitude to the St. Peter Metropolitan Cathedral of the Archdiocese of Tuguegarao, headed by Fr. Frank Manibog, for warmly accommodating our Caravan for Peace and Solidarity: Padayon Prelatura sa Marawi. Your kindness, support, and hospitality truly inspire unity, peace, and solidarity among communities. Thank you for being part of this meaningful journey.” Bahagi ng pahayag ng ACN-Philippines.
Lubos ding pinasalamatan ng ACN-Philippines ang University of Saint Louis Tuguegarao sa ipinagkaloob nitong donasyon para sa muling pagtatayo ng Pro-Cathedral ng Marawi bilang simbolo ng pag-asa, pagkakaisa, at patuloy na paghihilom ng sugatang pamayanan matapos ang Marawi Siege noong 2017.
Binigyang-diin ng ACN Philippines na ang bawat suporta at pakikiisa mula sa Arkidiyosesis ng Tuguegarao ay hindi lamang simpleng tulong pinansyal kundi isang patunay ng pananampalataya, malasakit, at pakikipagkapwa para sa mga mamamayan ng Prelatura ng Marawi.
“We are also deeply thankful for your generous donation in support of the rebuilding of the Pro-Cathedral of Marawi. Your kindness and unwavering missionary zeal as members of the Congregation of the Immaculate Heart of Mary continue to inspire hope, unity, and healing among the people of Marawi. Your support is more than a contribution — it is a testament to solidarity, faith, and compassion. Through your generosity, we are reminded that rebuilding a community also means rebuilding hope and strengthening the spirit of peace.” Dagdag pa ng ACN-Philippines.
Partikular din nagpasalamat ang sangay ng Pontifical Foundation ng Vatican sa Pilipinas sa University of Saint Louis Tuguegarao sa pangunguna nina University President Rev. Fr. Macwayne Maniwang, CICM, Ph.D., at University Chaplain Rev. Fr. JM Barroga, CICM, kasama ang iba pang kawani ng unibersidad at ng Arkidiyosesis ng Tuguegarao, para sa kanilang mainit na pagtanggap at suporta sa misyon ng ACN Philippines.
Tampok din sa caravan na mag-iikot sa 14 na arkidiyosesis sa buong bansa ang restored image ng Our Lady Mary Help of Christians ng Marawi, na nasira noong Marawi Siege.
