437 total views
Pinalawig ng Asian Migrants Coordinating Body (AMCB) ang panawagan ng tulong nang mga domestic migrant workers (DMW) na nararanasan ang krisis ng pag-taas ng COVID-19 cases sa Hong Kong.
Nanawagan ang AMCB ng tulong at agapay mula sa mga pamahalaan ng Indonesia, Pilipinas, Thailand, Nepal at Sri Lanka para sa kanilang mga migrant workers na nagpositibo sa Hong Kong.
Ayon kay Shiela Tebia Bonifacio, Filipino AMCB Spokesperson, higit na sa 70 ang tintulungang Overseas Filipino Workers (OFW) ng AMCB kung saan mula sa bilang ay naranasan na ng mahigit 40-Pilipinong Domestic Helpers (DH) na matanggal sa kanilang mga trabaho matapos magpositibo sa COVID-19.
“Base on our data so we’re speaking from our data for the Filipino alone, the initial data as of this morning, we received 71 Filipinos- So we Provided Services, out of the 71, 40 there is terminated their contract,” ayon sa Panayam ng Radio Veritas kay Bonifacio sa isinagawang Online Press Conference ng AMCB.
Ikinadismaya rin ni Bonifacio ang pahayag ni Department of Labor and Employment Secretary Silvestre Bello III na walang pag-uulat na naitatala hinggil sa termination sa trabaho ng mga overseas Filipino workers sa Hong Kong.
“We really angry of some news that we are receiving primarily to the Philippine Government that our Secretary of Department of Labor saying that we already addressed, that we already contained the problems of Filipino Migrant Workers here in Hongkong and saying that news of being terminated due to the COVID is fake,” ayon pa kay Bonifacio.
Apela rin ng AMCB sa pamahalaan ang pagkakaroon ng mga designatated isolation facilities para sa iba pang magpopositibong migrant workers sa bansa, kasama na dito ang karagdagang suplay ng pagkain, gamot at hygiene products at pagiging bahagi ng sektor sa mga makakatanggap ng tulong pinansyal mula sa pamahalaan ng Hong Kong.
Bunsod ng COVID-19 surge sa bansa, ipinag-utos na ni Diocese of Hong Kong Bishop Stephen Chow, S.J. ang pananatiling sarado ng mga simbahang sa publiko simula noong February 24 hanggang April 29 kung saan tanging papapasukin lamang ang mayroong mga mahahalagang gawain sa simbahan kaakibat ang panuntunan na sila’y dapat bakunado na laban sa virus.
