Send your Love Offering

SAVINGS ACCOUNT NAME

DZRV Radio Veritas Foundation, Inc.

  1. Metrobank Savings Account No.: 076-3-076270210
  2. Banco De Oro Savings Account No.: 001-630011876
  3. BPI Savings Account No.: 0213-3251-91
  4. PNB – Savings account No.: 105-910-013-091

 13,590 total reads

Homiliya para sa Martes Santo, 31 Marso 2026, Jn 13:21-33, 36-38

Nang sabihin ni Hesus na may isa sa kanila na magtataksil sa kanya, para na rin niyang inanunsyo na nagsimula na ang matinding labanan na kailangan niyang harapin sa mga susunod na araw. Pero ang kalaban niya ay hindi ang mga otoridad, hindi si Pilato, hindi rin ang mga punong saserdote na matagal nang nagplanong iligpit siya. Hindi rin si Judas Iscariote. Kung hindi sila, sino? Si Satanas.

Noong una, akala ko ang itinuturo ni Hesus na paraan ng pakikipaglaban ay katulad ng pilosopiya ng Aikido ng mga Hapones. Akala ko iyon ang tinutukoy na paraan ng ating unang pagbasa tungkol “Mahiwagang Lingkod ng Diyos”—na parang nagpapahayag ng hinaing. Para daw siyang espadang kabilaan ang talim, o isang matulis na pana na bagong hasa, pero imbes na gamitin na panlaban sa kaaway ay itinago.

Kaya ko naisip ang Aikido, dahil ang prinsipyo ng martial arts na ito ay hindi upang manakit kundi ang matutong umilag sa mga suntok o pag-atake ng kalaban. Parang sayaw ang Aikido. May disiplina. Inuunahan ang kalaban, pinakikiramdaman kung ano ang susunod niyang hakbang. Dapat maliksi sa pag-iwas sa pagsugod ng kalaban. Na kung ibig mo siyang talunin, hayaan mo lang siyang bumagsak sa sariling bigat niya. Pagharap sa karahasan sa paraang hindi gumagamit ng dahas. Minsan tinatawag ito na “active nonviolence” sa Ingles.

Mukhang mas radikal pa kaysa Aikido ang itinuturo ni Hesus sa kanyang mga alagad. Pati ang kalaban dapat daw mahalin. Ibig sabihin, kahit kailan huwag hangarin ang pagkasira ng sinumang tao, kahit iyung nakasakit sa iyo. Consistent si Hesus sa paniwala niyang walang taong likas na masama. Na lahat tayo ay likas na mabuti pero puwedeng mahulog sa bitag ni Satanas at makagawa ng masama.

Kaya ang tunay na kalaban para kay Hesus ay ang katunggali na hindi nakikita. Sabi ni San Juan sa ebanghelyo, “Pagkatanggap ni Judas ng tinapay kay Jesus, sinaniban siya ni Satanas.” Pagtataksilan na nga siya, iniisip pa rin niya ang kakailanganing pamatid-gutom ni Judas paglabas niya. Ang panlaban ni Jesus sa kataksilan ay pag-ibig na walang kundisyon, hindi takot masaktan, handang magpatawad at naghahangad ng kaligtasan—hindi lang para sa mga mabubuti at mababait kundi higit sa lahat sa mga naliligaw ng landas at nalilinlang ng tunay na kalaban. Ang pantubos niya ay buhay niya.

Kaya pala hindi tayo tinuruan ni Jesus na itakwil ang sinuman, maging ang mga taong may atraso sa atin. Isang kaaway lang ang itinuro niyang itakwil natin: si Satanas, ang kanyang mga hungkag naliligaw pangako, at ang pang-aakit sa masama.

Sana isaisip natin ito habang humaharap tayo sa malalaking hamon sa ating panahon—ang hamon ng pagbabalik sa uso ng prinsipyong matira ang matibay, ang pamamayani ng lakas ng dahas na nagdudulot ng matinding kaguluhan at pagdurusa sa napakaraming mga tao. Gayundin ang pagharap natin sa hamon ng korapsyon at pananaig ng politika ng pagpapatron.

Sa mga darating na araw, matuto tayo sa mga aral na ituturo ng ating guro sa disipina ng labanan na espiritwal. Ibang klaseng talino, ibang klaseng lakas ang dulot ng Espiritu Santong kaloob niya sa atin. Kaya pala sinabi niya kay Pedro, “Sa ngayon, hindi pa ninyo ako masundan sa aking paroroonan, pero sa kalaunan, masusundan nyo rin ako.” Hindi pa, dahil kailangan pa niyang isugo ang tunay natin panlaban at patnubay: ang Espiritu Santo.

BE OUR PARTNERS

THIS PORTION IS BROUGHT YOU BY

ADVOCATE

Radyo Veritas Advocacy Category by Author

Veritas Editorial

Picture of Rev. Fr. Anton CT Pascual

Rev. Fr. Anton CT Pascual

Special treatment?

 112,046 total reads

 112,046 total reads Mga Kapanalig, isa si dating House Speaker at Leyte Representative Martin Romualdez sa mga sinasabing pangunahing personalidad na sangkot sa flood control scandal

Read More »

Bayan bago banyaga

 197,430 total reads

 197,430 total reads Mga Kapanalig, nagsimula na ang 49th ASEAN Summit sa Pilipinas. Malinis na mga kalsada, maayos na paligid, at maaliwalas na tanawin ang sumalubong

Read More »

Magparehistro na para makaboto sa 2028!

 261,267 total reads

 261,267 total reads Mga Kapanalig, pwede nang magparehistro ang mga botante para sa 2028 national at local elections hanggang sa ika-30 ng Hulyo, 2027. Maaaring magparehistro

Read More »

FILIPINO’s RUNNING OUT OF PATIENCE

 341,643 total reads

 341,643 total reads Kapanalig, hindi makakausad ang bansa kung ang mga mamamayan nito ay hirap na hirap maka-survive, habang ang mga inaasahang lider na pinagkakatiwalaang mamuno

Read More »

SCRIPTED NONSENSE

 419,315 total reads

 419,315 total reads Kapanalig, ano ang napapansin niyo sa pagpapatuloy ng impeachment trial ni Vice President Sara Duterte? Sa simula pa lamang ng impeachment trial, pinapalutang

Read More »

Watch Live

RELATED ARTICLES

PAGYAMANIN

 10,264 total reads

 10,264 total reads Homiliya para sa Ika-33 Linggo sa Karaniwang Panahon, 15 Nobyembre 2026 Kawikaan 31:10–13, 19–20, 30–31; 1 Tesalonica 5:1–6; Mateo 25:14–30 Nasa ikawalong araw

Read More »

ANAK NG TAO

 16,047 total reads

 16,047 total reads Homiliya para sa Biyernes ng Ika-32 Linggo sa Karaniwang Panahon, 13 Nobyembre 2026 2 Juan 4–9; Lucas 17:26–37 Sa ating unang pagbasa, may

Read More »

PREPARING THE WAY

 18,946 total reads

 18,946 total reads A Reflection as Advent Approaches I was fascinated by a little detail in Gerry O’Connell’s report on Pope Leo XIV’s visit to Peru.

Read More »
Scroll to Top