2,130 total reads
Rosas ang kulay ng Linggo ng Laetare bilang paalala ng mga unang sibol ng bulaklak sa panahong ito matapos ang taglamig. Simbolo ito ng kagalakang dulot ng pagpapatawad ng Diyos sa mga nagbabalik-loob. Pinapalaya ni Hesus mula sa kadiliman ang sinumang nagkasala tulad ng pagbibigay niya ng liwanag sa paningin ng lalaking isinilang na bulag sa ebanghelyo. Sa liwanag na dulot ni Hesus, nakikita natin ang mga kasalanang dapat ihingi ng tawad. Nakikita rin natin ang kabutihan sa puso ng bawat tao, kasama na ang ating mga sarili. Nakikita rin natin ang kabutihan ng Diyos sa atin na pinasisibol mula sa ating mga tigang na puso, ang magandang rosas ng pagbabagong buhay.
