409 total reads
Hindi pa rin malinaw sa 71-taong gulang na Australian Missionary nun ng Sister of Our Lady of Zion ang pag-aresto at pagkadetine sa tanggapan ng Intelligence Division ng Bureau of Immigration sa Intramuros, Manila.
Itinanggi ni Sister Patricia Fox, NDS dating national coordinator ng Rural Missionaries of the Philippines ang alegasyon ng Bureau of Immigration na nakasama siya sa isang political rally na sinasabing dahilan ng kanyang pagka-detain.
Nilinaw ng Madre na bumisita lamang siya sa mga political prisoner taliwas sa akusasyon ng BI na sumali ito sa rally.
“When they showed me the photo, actually I was visiting political prisoners, so what they showed me I wasn’t in the rally, I was visiting political prisoners. I did saw some Coca-Cola workers, the Coca-Cola workers have been put out after 8 years so I went and visited them, it is not a major rally or anything like that.” paglilinaw ni Sister Fox sa panayam ng Radio Veritas
Kinumpirma ni Siater Fox sa panayam ng Radio Veritas na hanggang sa kasalukuyan ay hindi pa rin ipinapaliwanag ng B-I ang kanyang kaso matapos ang magdamag na pagka-detain.
Inihayag ng Madre na ipinakita lamang sa kanya ng mga tauhan ng B-I ang isang papel kung saan nakalagay ang dalawang litrato niya na hindi alam kung saan at kailan kinuha.
“They haven’t have much explained to me at this stage the case. They showed a piece of paper with the two photos, if I could identify where they were, I mean a piece of paper saying I have attended a rally but no detail, no anything like that. Like when they saying I attended where or what.” pahayag ni Sister Fox sa panayam ng Radio
Sa panayam ng programang Veritas Pilipinas, inamin ng Madre na hindi siya nakatulog at hindi nakainom ng gamot para sa kanyang spinal cord illness.
Ayon kay Sister Fox, magdamag lamang siyang nakasalampak sa sahig matapos hindi pagkalooban ng BI ng higaan habang naiwan nito sa kanyang sa bahay ang gamot.
“I lied down on the floor. In this case I am just here in their security and we’re awaiting for my passport to come. Were you given medicine? No because they’re in the house so I didn’t get them here. I’m okay.”
Nabatid na dakong 2:15 ng hapon, ika-16 ng Abril ng arestuhin ng anim na ahente ng BI si Sister Fox sa Congregation of Our Lady of Zion convent sa Anonas,Quezon City at kinulong sa BI Intelligence Division.
